പ്ലാന് ബിയും സിയുമൊന്നും തല്ക്കാലം നടപ്പാക്കാന് നില്ക്കാതെ രാഹുല് ഈശ്വര് പൊലീസ് സ്റ്റേഷനില് ഒപ്പിട്ട് മടങ്ങി, സന്നിധാനത്തേക്ക് പോകില്ല
നിലയ്ക്കലില് ഇന്ന് രാവിലെ എത്തിയ രാഹുല് ഈശ്വര് നിലയ്ക്കല് പൊലീസ് സ്റ്റേഷനില് ഒപ്പിട്ട് മടങ്ങി. രാഹുല് ഈശ്വര് പൊലീസ് സ്റ്റേഷനില് ഒപ്പിടാന് എത്തിയത് ജാമ്യവ്യവസ്ഥയുടെ ഭാഗമായാണ്. ഇരുമുടിക്കെട്ട് ഇല്ലാതെയാണ് എത്തിയതെങ്കിലും രാഹുല് ഈശ്വര് സന്നിധാനത്തേക്ക് പോകാന് ഒരുങ്ങി. പോയാല് അറസ്റ്റ് ചെയ്യുമെന്ന് പൊലീസ് മുന്നറിയിപ്പ് നല്കി
തുലാമാസ പൂജക്കായി നട തുറന്നപ്പോള് തീര്ത്ഥാടകരെ തടഞ്ഞതിന് രാഹുല് ഈശ്വര് അറസ്റ്റിലായിരുന്നു. പിന്നീട് ജാമ്യം കിട്ടിയെങ്കിലും, ശബരിമലയില് യുവതികള് പ്രവേശിച്ചാല് സന്നിധാനത്ത് രക്തം വീഴ്ത്തി അശുദ്ധിയുണ്ടാക്കാന് ചിലര് തയ്യാറായി നിന്നിരുന്നു എന്ന വെളിപ്പെടുത്തലിനെ തുടര്ന്ന് രാഹുല് വീണ്ടും അറസ്റ്റിലായി.
ഈ സാഹചര്യത്തിലാണ് സന്നിധാനത്തേക്ക് പോയാല് അറസ്റ്റ് ചെയ്യുമെന്ന് പൊലീസ് അറിയിച്ചത്. ഇതോടെ പൊലീസ് സ്റ്റേഷനില് ഒപ്പിട്ട ശേഷം രാഹുല് മടങ്ങി. നേരത്തെ നടത്തിയ വാര്ത്താ സമ്മേളനത്തില് മണ്ഡല കാലത്ത് യുവതികളെ സന്നിധാനത്ത് എത്താതെ നോക്കുമെന്നും അതിനായി പോണ്ടിച്ചേരിയില് നിന്നടക്കം ആചാര സംരക്ഷണ സമിതി പ്രവര്ത്തകരെ എത്തിക്കുമെന്നും രാഹുല് ഈശ്വര് പറഞ്ഞിരുന്നു. മാത്രമല്ല ഇതിനായി പ്ലാന് ബിയും സിയുമടക്കം നിരവധി പ്ലാനുകളുണ്ടെന്നും രാഹുല് അവകാശപ്പെട്ടിരുന്നു.
https://www.facebook.com/Malayalivartha
