ലഹരിയുടെ ഉന്മാദത്തിൽ മാതാപിതാക്കളുമായി വഴക്കിട്ട യുവാവ് ഉറങ്ങിക്കിടന്ന ഒമ്പത് വയസുകാരനെ കുത്തിക്കൊന്നു; ഏഴുവയസുകാരനായ മറ്റൊരു സഹോദരനും പരിക്ക്
മലപ്പുറം പാലക്കാട് ജില്ലാ അതിർത്തിയിൽ നടുവട്ടത്ത് ഒൻപത് വയസുകാരനെ സഹോദരൻ കുത്തിക്കൊന്നു. ലഹരിക്ക് അടിമയായ സഹോദരൻ നബീൽ ഇബ്രാഹിമിനെ പൊലീസ് കസ്റ്റഡിയിൽ എടുത്തു. കൊപ്പം നടുവട്ടം കൂര്ക്ക പറമ്പ് വീട്ടില് ഇബ്രാഹിമിന്റെ മകന് മുഹമ്മദ് ഇബ്രാഹീമാണ് കൊല്ലപ്പട്ടത്. അനുജന് ഏഴ് വയസ്സുകാരനായ അഹമ്മദിനും കുത്തേറ്റു.
സംഭവുമായി ബന്ധപ്പെട്ട് ഇവരുടെ സഹോദരന് നബീല് ഇബ്രാഹീമിനെ പൊലീസ് കസ്റ്റഡിയിലെടുത്തു. ഇയാള് ലഹരിക്കടിമയായിരുന്നുവെന്ന് പൊലീസ് അറിയിച്ചു. നാലാം ക്ലാസ് വിദ്യാര്ത്ഥിയായ മുഹമ്മദ് ഇബ്രാഹിമിന് ഉറക്കത്തിലാണ് കുത്തേറ്റത്. മാതാപിതാക്കളുമായുള്ള വഴക്കിനിടയിലാണ് കുട്ടികളെ കുത്തിയതെന്ന് പൊലീസ് പറഞ്ഞു. നെഞ്ചില് ആഴത്തില് മുറിവേറ്റ മുഹമ്മദ് ഇബ്രാഹിമിനേയും അനുജന് അഹമ്മദിനേയും ഉടന് തന്നെ വളാഞ്ചേരിയിലെ സ്വകാര്യ ആശുപത്രിയില് പ്രവേശിപ്പിച്ചെങ്കിലും മുഹമ്മദ് ഇബ്രാഹിമിന്റെ ജീവന് രക്ഷിക്കാനായില്ല.
കുട്ടികളെ കുത്തി പരിക്കേല്പ്പിച്ച ശേഷം ഓടി രക്ഷപ്പെട്ട സഹോദരന് നബീലിനെ നാട്ടുകാര് പിടികൂടി പൊലീസിന് കൈമാറി. കോയമ്ബത്തൂരില് മൈക്രോ ബയോളജി വിദ്യാര്ത്ഥിയായ പ്രതി നബീല് ഏറെ നാളായി കഞ്ചാവ് ലഹരിക്ക് അടിമയാണെന്ന് പൊലീസ് പറഞ്ഞു.
https://www.facebook.com/Malayalivartha
