കെ.എസ്.ആര്‍.ടി.സിയില്‍നിന്ന് പിരിച്ചുവിട്ട എംപാനല്‍ കണ്ടക്ടര്‍മാരുടെ വിവരം ശേഖരിക്കാന്‍ ഡിപ്പോകള്‍ക്ക് മാനേജ്മന്റെ് നിര്‍ദേശം. ജോലിയില്‍ പ്രവേശിച്ച തീയതി, ഓരോ വര്‍ഷവും ചെയ്ത ഡ്യൂട്ടിയുടെ എണ്ണം തുടങ്ങിയ വിവരങ്ങളാണ് ഭരണ വിഭാഗം എക്‌സിക്യൂട്ടിവ് ഡയറക്ടര്‍ ആവശ്യപ്പെട്ടിരിക്കുന്നത്. കെ.എസ്.ആര്‍.ടി.സിയിലെ തസ്തിക പുനര്‍നിര്‍ണയത്തിന് സര്‍ക്കാര്‍ വിദഗ്ധ സമിതിയെ നിശ്ചയിച്ചിരുന്നു.

താല്‍ക്കാലിക എംപാനല്‍ ജീവനക്കാരുടെ സാധ്യത ആരായലും സമിതിയുടെ അജണ്ടയിലുണ്ട്. ഇതിന്റെ ഭാഗമായാണ് വിവരശേഖരണം. എംപാനലുകാരുടെ എണ്ണമല്ലാതെ ഇവരുടെ സര്‍വിസ് സംബന്ധമായ ഒരുവിവരവും കെ.എസ്.ആര്‍.ടി.സിയുടെ കൈശമില്ല. പലരും വര്‍ഷങ്ങളുടെ സര്‍വിസ് അവകാശപ്പെടുന്നുണ്ടെങ്കിലും ഇക്കാര്യത്തില്‍ ആധികാരിക രേഖയില്ല.

സുശീല്‍ ഖന്ന റിപ്പോര്‍ട്ടിന്റെ അടിസ്ഥാനത്തില്‍ ദേശീയ ശരാശരി അനുസരിച്ചുള്ള ബസ്ജീവനക്കാര്‍ അനുപാതം കെ.എസ്.ആര്‍.ടി.സിയിലും നടപ്പാക്കാനാണ് തീരുമാനം. ഇതോടെ തസ്തിക വീണ്ടും ചുരുങ്ങും. കണ്ടക്ടര്‍ ക്ഷാമത്തെ തുടര്‍ന്ന് പ്രതിദിനം 1000 സര്‍വിസുകള്‍ മുടങ്ങുന്നുണ്ടെങ്കിലും കലക്ഷനെ കാര്യമായി ബാധിച്ചിട്ടില്ലെന്നാണ് മാനേജ്മന്റെ് പറയുന്നത്. ശനിയാഴ്ച 7.67 കോടിയാണ് വരുമാനം. കണക്കുകളിലെ കളി തുടര്‍ന്നാല്‍ എംപാനലുകാരുടെ പുനഃപ്രവേശന പ്രതീക്ഷ അസ്ഥാനത്താകും.

19911995 കാലഘട്ടത്തില്‍ ആര്‍. ബാലകൃഷ്ണപിള്ള ഗതാഗതമന്ത്രിയായിരുന്നപ്പോഴാണ് എംപാനല്‍ നിയമനം നല്‍കുന്നത്. സ്ഥിരംജീവനക്കാരുടെ അഭാവത്തില്‍ ജോലി ചെയ്യാന്‍ സന്നദ്ധരായ ജീവനക്കാരെയാണ് &ിയുെ; സെക്യൂരിറ്റിനിക്ഷേപം വാങ്ങി നിയമിച്ചത്. കണ്ടക്ടര്‍ക്ക് ദിവസം 35 രൂപയും െ്രെഡവര്‍ക്ക് 40 രൂപയുമായിരുന്നു പ്രതിഫലം. 300 പേരില്‍ തുടങ്ങിയ എംപാനല്‍ പട്ടിക പിന്നീട് മെക്കാനിക്കല്‍ വിഭാഗത്തിലുള്‍പ്പെടെ വ്യാപിച്ച് അംഗസംഖ്യ 9000ത്തോളമെത്തി. ഇവരില്‍ 10വര്‍ഷത്തിലേറെ സര്‍വിസും വര്‍ഷം 210 ഡ്യൂട്ടിയും പൂര്‍ത്തിയാക്കിയവരെ &ിയുെ; 2011ല്‍ സ്ഥിരപ്പെടുത്തിയിരുന്നു.

കണ്ടക്ടര്‍മാരുടെ ക്ഷാമത്തെ തുടര്‍ന്ന് ഞായറാഴ്ച 768 കെ.എസ്.ആര്‍.ടി.സി സര്‍വിസ് റദ്ദാക്കി. തിരുവനന്തപുരം മേഖലയില്‍ 284, എറണാകുളം 312, കോഴിക്കോട്ട് 172 സര്‍വിസ് വീതമാണ് മുടങ്ങിയത്. ഗ്രാമീണ സര്‍വിസുകളാണ് അധികവും റദ്ദാക്കിയത്. എന്നാല്‍, സര്‍വിസ് വെട്ടിക്കുറക്കല്‍ കുറഞ്ഞിട്ടുണ്ട്. ദിവസങ്ങളായി ശരാശരി 900 സര്‍വിസാണ് പ്രതിദിനം റദ്ദായിരുന്നത്.