മുഖ്യമന്ത്രിയെ കാണാനെത്തിയ മനിതികളെയും ബി.ജെ.പി- ആര്.എസ്.എസ് സംഘം വെറുതെ വിട്ടില്ല, അവര് തമിഴ്നാട്ടിലേക്ക് പോകാന് തിരിച്ച തിരുച്ചിറപ്പള്ളി എക്സ്പ്രസ് തടയാന് ശ്രമിച്ച ഒരാള് അറസ്റ്റില്
മുഖ്യമന്ത്രിയെ കാണാനെത്തിയ മനിതികളെയും വെറുതെ വിട്ടില്ല. അവര് തമിഴ്നാട്ടിലേക്ക് പോകാന് തിരിച്ച തിരുച്ചിറപ്പള്ളി എക്സ്പ്രസ് തടയാന് ബി.ജെ.പി- യുവമോര്ച്ച ശ്രമം. ഒരാളെ പൊലീസ് അറസ്റ്റ് ചെയ്ത് നീക്കി. മൂന്ന് മനിതി സംഘം പ്രവര്ത്തകരെ അസഭ്യം പറഞ്ഞും മുദ്രാവാക്യം വിളിച്ചും തിരുവനന്തപുരം റെയില്വേ സ്റ്റേഷനില് അരമണിക്കൂറോളം പ്രവര്ത്തകര് സംഘര്ഷാവസ്ഥ സൃഷ്ടിച്ചു. ചിലര് ട്രെയിനിന് മുമ്പിലേക്ക് ചാടാന് ശ്രമിച്ചെങ്കിലും പൊലീസ് ഇടപെട്ട് തടയുകയായിരുന്നു. അതിനിടെയാണ് ഒരു വൃദ്ധന് ട്രാക്കില് കയറി നിന്ന് പ്രതിഷേധിച്ചത്.
ഇന്നലെ പതിനൊന്നംഗ സംഘം ദര്ശനത്തിനെത്തിയപ്പോള് സുരക്ഷയൊരുക്കാതെ പൊലീസ് വിട്ടയച്ചതില് പ്രതിഷേധിച്ച് മനിതി സംഘത്തിലെ മൂന്ന് പേര് ഇന്ന് രാവിലെ മുഖ്യമന്ത്രി പിണറായി വിജയനെ കാണാന് തിരുവനന്തപുരത്ത് എത്തിയിരുന്നു. എന്നാല് മുഖ്യമന്ത്രിയെ കാണാന് പൊലീസ് അനുമതി നല്കിയില്ല. ഇതേ തുടര്ന്ന് തിരുച്ചിറപ്പള്ളി എക്സ്പ്രസില് ഇവര് തമിഴ്നാട്ടിലേക്ക് പുറപ്പെടാന് തീരുമാനിച്ചു. വിവരമറിഞ്ഞ് മാധ്യമപ്രവര്ത്തകര് എത്തിയെങ്കിലും അവരുമായി സംസാരിക്കാന് പൊലീസ് സമ്മതിച്ചില്ല. വാര്ത്ത ചാനലുകള് പുറത്ത് വിട്ടതോടെ യുവമോര്ച്ച- ബി.ജെ.പി പ്രവര്ത്തകര് കൂട്ടത്തോടെ റെയില്വേ സ്റ്റേഷനിലേക്ക് പാഞ്ഞടുക്കുകയായിരുന്നു.
ബി.ജെ.പി ജില്ലാ പ്രസിഡന്റ് അഡ്വ. സുരേഷിന്റെ നേതൃത്വത്തില് മഹിളാമോര്ച്ച പ്രവര്ത്തകരും റെയില്വേ സ്റ്റേഷനിലെത്തി മനിതി സംഘത്തിനെതിരെ മുദ്രാവാക്യംവിളിച്ചു. അവര് ഇരുന്നിരുന്ന ബോഡിയില് അടിച്ചും അസഭ്യം പറഞ്ഞും യുവമോര്ച്ച, ബി.ജെ.പി പ്രവര്ത്തകരും സംഘര്ഷാവസ്ഥ സൃഷ്ടിച്ചു. മുഖ്യമന്ത്രി പിണറായി വിജയനും കമ്മ്യൂണിസ്റ്റ് സര്ക്കാരിനുമെതിരെ മുദ്രാവാക്യവും അസഭ്യവും മുഴക്കിയ പ്രവര്ത്തകര് ട്രെയിന് പുറപ്പെട്ട ശേഷമാണ് റെയില്വേസ്റ്റേഷന് വിട്ടത്.
https://www.facebook.com/Malayalivartha
