ഹര്ത്താല് ദിവസം മിഠായിത്തെരുവ് അക്രമം നടത്തിയ ഏഴ് ആര്എസ്എസ് പ്രവര്ത്തകര് കൂടി അറസ്റ്റില്
ഹര്ത്താല് ദിവസം മിഠായിത്തെരുവില് അക്രമം നടന്ന സംഭവത്തില് ഏഴ് ആര്എസ്എസ് പ്രവര്ക്കകരെകൂടി പോലീസ് അറസ്റ്റ് ചെയ്തു. കോഴിക്കോട് നഗരത്തിലും പരിസരപ്രദേശങ്ങളിലുമുള്ള ബിജെപി മീഞ്ചന്ത മണ്ഡലം പ്രസിഡന്റ് നിഖില് രാമചന്ദ്രന്, പ്രവീണ് ശങ്കര് മാനാരി, ഹരിപ്രസാദ്, സബീഷ് കല്ലിങ്ങല്, മിഥുന്രാജ്, സുനില്കുമാര്, പ്രദീപ്കുമാര് എന്നിവരെയാണ് ടൗണ് പോലീസ് അറസ്റ്റ് ചെയ്തത്.
ഇതോടെ അറസ്റ്റ് 26 ആയി. അക്രമികള് ഉള്പ്പെട്ട വീഡിയോ പരിശോധിച്ചാണ് പോലീസ് അക്രമികളെ പിടികൂടിയത്. പ്രകോപനപരമായ മുദ്രവാക്യം മുഴക്കി കലാപത്തിന് ശ്രമിച്ചു, കടകള് തകര്ത്തു, പോലീസിനെയും പൊതുജനങ്ങളെയും ആക്രമിച്ചു എന്നീ കുറ്റകൃത്യങ്ങള്ക്കുള്ള വകുപ്പുകള് ചുമത്തിയാണ് അറസ്റ്റ്. ഇതോടെ കോടതി ഇവരെ 14 ദിവസത്തേക്ക് റിമാന്റ് ചെയ്തു.
മിഠായിത്തെരുവിനോട് ചേര്ന്നുള്ള കോയെന്കൊ ബസാറിലെ 16 കടകള് അക്രമികള് തകര്ത്തിരുന്നു. പോ ലീസും വ്യാപാരികളും സംഘടിച്ചപ്പോള് കോര്ട്ട് റോഡിലെ ഗണപതി മാരിയമ്മന് ക്ഷേത്രത്തില് ഓടിക്കറിയ സംഘം വീണ്ടും അക്രമം അഴിച്ചുവിടുകയായിരുന്നു. കല്ലും ബിയര് കുപ്പികളുമായി സംഘം പോലീസിനെ നേരിട്ടു.
https://www.facebook.com/Malayalivartha
