സമരങ്ങളെ വിശ്വാസികള് തിരിച്ചറിയണമെന്ന് ദേവസ്വം കോണ്ഫെഡറേഷന്; സമരക്കാരുടെ ലക്ഷ്യം വിശ്വാസ സംരക്ഷണമല്ല
സമരങ്ങളെ വിശ്വാസികള് തിരിച്ചറിയണമെന്ന് തിരുവിതാംകൂര് ദേവസ്വം എംപ്ലോയിസ് കോണ്ഫെഡറേഷന് പ്രസ്താവനയില് പറഞ്ഞു. വിശ്വാസ സംരക്ഷണമല്ല ഇക്കൂട്ടരുടെ ലക്ഷ്യം. ദേവസ്വം ബോര്ഡിന്റെ കീഴിലുള്ള ക്ഷേത്രങ്ങളെ തകര്ത്ത് തങ്ങള്ക്ക് സ്വാധീനമുള്ള സ്വകാര്യ ക്ഷേത്രങ്ങളുടെ താത്പര്യസംരക്ഷണവും മറ്റ് രാഷ്ട്രീയ ലക്ഷങ്ങളുമാണുള്ളത്.
പരിപാവനമായ ശബരിമല സന്നിധാനത്തെപോലും അക്രമ സമരത്തിന്റൈ വേദിയാക്കിയവര് മാപ്പര്ഹിക്കുന്നില്ല. സര്ക്കാരിന്റേയും ദേവസ്വംബോര്ഡിന്റെയും ശക്തമായ നിലപാടിനെ തുടര്ന്നാണ് ഇത്തരക്കാരെ സന്നിധാനത്തു നിന്ന് ഒഴിവാക്കാനായത്. ശബരിമല തീര്ഥാടകര്ക്ക് സുഗമമായ ദര്ശനം ലഭിക്കാന് ഇത് സഹായമായി.
ബോര്ഡിന്റെ കീഴിലുള്ള ക്ഷേത്രങ്ങളില് കാണിക്കയിടരുതെന്നും വഴിപാട് നടത്തരുതെന്നുമുള്ള പ്രചാരണം നടത്തുന്നവര് വിശ്വാസികളുടെ താത്പര്യങ്ങളല്ല സംരക്ഷിക്കുന്നത്.
ഇത്തരക്കാരുടെ ലക്ഷ്യമെന്തന്ന് ബോര്ഡ് ജിവനക്കാരും കുടുംബാംഗങ്ങളും മനസിലാക്കി കഴിഞ്ഞു. സമരത്തിന്റെയും ഹര്ത്താലിന്റേയും പേരില് ബോര്ഡ് ഓഫീസുകള്ക്ക് നേരെ നടന്ന അതിക്രമങ്ങള് അങ്ങേയറ്റം അപലപനീയമാണ്. ദേവസ്വബോര്ഡുമായി ആലോചിക്കാതെ ശബരിമലയില് തന്ത്രി തീരുമാനമെടുത്തത് ശരിയായ നടപടിയല്ലെന്നും കോണ്ഫെഡറഷന് പ്രസിഡന്റ് സി എന് രാമനും ജനറല് സെക്രട്ടറി ജി വാസുദേവന് നമ്ബൂതിരിയും പ്രസ്താവനയില് പറഞ്ഞു.
https://www.facebook.com/Malayalivartha
