എരുമേലി വാവര് പള്ളിയിലേക്ക് പുറപ്പെട്ട യുവതികള് കസ്റ്റഡിയില്
എരുമേലി വാവര് പള്ളിയിലേക്ക് പുറപ്പെട്ട യുവതികള് കസ്റ്റഡിയില്. തമിഴ് മക്കള് കക്ഷി പ്രവര്ത്തകരായ യുവതികളാണ് കൊഴിഞ്ഞാമ്ബാറ പൊലീസിന്റെ കസ്റ്റഡിയിലുള്ളത്. തിരൂപ്പൂര് സ്വദേശികളായ രേവതി, സുശീല ദേവി, തിരുനെല്വേലി സ്വദേശി ഗാന്ധി മതി എന്നവരെയാണ് പൊലീസ് കസ്റ്റഡിയിലെടുത്തത്. വേലന്താവളം ചെക് പോസ്റ്റില് വച്ചാണ് ഇവരെ കസ്റ്റഡിയിലെടുത്തത്.
അതിനിടെ, ശബരിമലയിലേക്ക് ശ്രീലങ്കയില് നിന്നെത്തിയ തീര്ത്ഥാടക സംഘത്തിലെ വനിതയെ നിലയ്ക്കലില് പൊലീസ് തടഞ്ഞു. മതിയായ തിരിച്ചറിയല് രേഖകള് ഇല്ലാത്തതിനാല് ആണ് തടഞ്ഞതെന്ന് പൊലീസ് അറിയിച്ചു. 70 അംഗ തീര്ത്ഥാടക സംഘത്തില് ഉള്പ്പെട്ട ഇവരെ നിലയ്ക്കലിലെ പൊലീസ് കണ്ട്രോള് റൂമിലേക്ക് മാറ്റി. വൈകുന്നേരം അഞ്ച് മണിയോടെയാണ് സംഭവം.
കെ എസ് ആര് ടി സി ബസില് എത്തിയ തീര്ത്ഥാടക സംഘത്തെ നിലയ്ക്കല് ഗോപുരത്തിന് മുന്നില് പൊലീസ് പരിശോധിച്ചു. സ്ത്രീയുടെ പക്കല് യാതൊരു തിരിച്ചറിയല് രേഖയും ഉണ്ടായിരുന്നില്ല. മുന്പ് മൂന്ന് തവണ ശബരിമല സന്ദര്ശിച്ച ചിത്രങ്ങള് പൊലീസിനെ കാണിച്ചെങ്കിലും യാത്ര തുടരാന് അനുവദിച്ചില്ല. സത്രീയെ കണ്ട്രോള് റൂമിലേക്ക് മാറ്റിയ ശേഷം മറ്റുള്ളവരെ ശബരിമല സന്ദര്ശനത്തിന് അനുവദിച്ചു.
https://www.facebook.com/Malayalivartha
