പിണറായി പാര്ട്ടിക്കാര്ക്കും സമരസമിതി നേതാക്കള്ക്കും കൊടുത്ത ഉറപ്പൊക്കെ വെറുതെ... ഹര്ത്താലില് അണികള് അര്മാദിക്കുന്നു
പിണറായി പാര്ട്ടിക്കാര്ക്കും സമരസമിതി നേതാക്കള്ക്കും കൊടുത്ത ഉറപ്പൊക്കെ വെറുതെ. ഹര്ത്താലില് അണികള് അര്മാദിക്കുന്നു. പല സ്ഥലത്തും വാഹനം തടയുന്നതായി റിപ്പോര്ട്ടുകളുണ്ട്. ഹര്ത്താല് കേരളത്തെ ഒരു തരത്തിലും ബുദ്ധിമുട്ടിക്കില്ല എന്ന മുഖ്യമന്ത്രിയുടെ വാക്കുകള്ക്ക് പുല്ലുവിലയാണ് സമരക്കാര് കൊടുക്കുന്നത്.
കൊച്ചിയില് ചേളാരി ഐ.ഒ.സിയിലും കൊച്ചി തുറമുഖത്തും ജോലിക്കെത്തിയ തൊഴിലാളികളെ ട്രേഡ് യൂനിയന് പ്രവര്ത്തകര് തടഞ്ഞു. കൊച്ചി കാക്കനാട് പ്രത്യേക സാമ്പത്തിക മേഖലയില് ജോലിക്കെത്തിയ ജീവനക്കാരെയും തടഞ്ഞിട്ടുണ്ട്. ഇവിടെ നേരത്തേയുള്ള ഷിഫ്റ്റില് ജോലിക്കെത്തിയവര് ഇപ്പോള് ജോലി തുടരുന്നുണ്ട്. രാവിലെ എട്ട് മണിക്ക് ശേഷം ജോലിക്കെത്തിയവരെ ട്രേഡ് യൂനിയനുകാര് തടഞ്ഞു.
തിരുവനന്തപുരത്തെ പെട്രോള് പന്പുകളിലൊക്കെ ഇന്നലെ വി ശിവന്കുട്ടി തന്നെ നേരിട്ട് വിളിച്ചു പന്പുകളൊന്നും തുറക്കരുതെന്നു പറഞ്ഞു. തുറന്നാല് വിഷയമാകുമെന്നും അറിയിച്ചു.
ആദ്യ മണിക്കൂറുകള് പിന്നിടുമ്പോള് വിവിധ ട്രേഡ് യൂണിയനുകളുടെ നേതൃത്വത്തില് പലയിടത്തും റെയില് ഗതാഗതം തടസപ്പെടുത്തുകയാണ്. ജനശതാബദി, രപതിസാഗര് എക്സ്പ്രസ് ട്രെയിനുകള് തടഞ്ഞു. അഞ്ചുമണിക്കു പുറപ്പെടേണ്ട വേണാട് എക്സ്പ്രസ് ഒന്നര മണിക്കൂര് വൈകി ആറരയ്ക്ക് മാത്രമാണ് പുറപ്പെട്ടത്. ചെന്നൈ മെയില് തൃപ്പൂണിത്തുറയില് തടഞ്ഞു. ശബരി എക്സ്പ്രസിന്റെ യാത്രയും വൈകി.
അധ്യാപക സംഘടനകളും സര്വിസ് സംഘടനകളും പിന്തുണ പ്രഖ്യാപിച്ചതിനാല് വിദ്യാലയങ്ങളുടെയും സര്ക്കാര് ഓഫിസുകളുടെയും പ്രവര്ത്തനത്തെ ബാധിക്കും.
കേന്ദ്ര സംസ്ഥാന ജീവനക്കാര്, ബാങ്ക് തപാല് ജീവനക്കാര്, മോേട്ടാര് തൊഴിലാളികള് എന്നിവരെല്ലാം പണിമുടക്കുകയാണ്. ഇന്ഷുറന്സ്, ബി.എസ്.എന്.എല് ജീവനക്കാര് െഎക്യദാര്ഢ്യം പ്രഖ്യാപിച്ച് വിട്ടുനില്ക്കും. ശബരിമല തീര്ഥാടകരെ ഒഴിവാക്കി. െക.എസ്.ആര്.ടി.സി ശബരിമല സര്വിസ് നടത്തുമെന്ന് സി.എം.ഡി ടോമിന് െജ.തച്ചങ്കരി അറിയിച്ചു. നിലയ്ക്കല് പമ്പ ചെയിന് സര്വിസും ഡിപ്പോകളില്നിന്നുള്ള നിലയ്ക്കല് സര്വിസും ഓടാന് ക്രമീകരണം ഏര്പ്പെടുത്തി. പത്രം, പാല്, ആശുപത്രികള്, ടൂറിസ്റ്റ് കേന്ദ്രങ്ങള് എന്നിവയെ ഒഴിവാക്കിയിട്ടുണ്ട്. കടകള് നിര്ബന്ധപൂര്വം അടപ്പിക്കില്ലെന്നാണ് നേതാക്കള് പറയുന്നത്. എങ്കിലും പ്രാദേശിക നേതാക്കള് ഭീഷണിപ്പെടുത്തുകയാണ്. ജി.എസ്.ടി അടക്കമുള്ള വിഷയങ്ങള് ഉന്നയിക്കുന്നതിനാല് വ്യാപാരികള് പണിമുടക്കുമായി സഹകരിക്കുമെന്നാണ് വിലയിരുത്തല്. കടകള് തുറക്കുമെന്ന് കേരള വ്യാപാരി വ്യവസായി ഏകോപനസമിതി അറിയിച്ചിട്ടുണ്ട്. തുറക്കേണ്ടവര്ക്ക് തുറക്കാമെന്നും തൊഴിലാളികള് പണിമുടക്കിയാല് എതിര്ക്കില്ലെന്നും വ്യാപാരി വ്യവസായി സമിതി വ്യക്തമാക്കി. പണിമുടക്കിെന്റ ഭാഗമായി ജില്ല കേന്ദ്രങ്ങളില് തൊഴിലാളി മാര്ച്ച് നടക്കും.
48 മണിക്കൂര് ദേശിയ പണിമുടക്ക് അധ്യാപകസര്വിസ് മേഖലയില് സമ്പൂര്ണമാകുമെന്ന് ആക്ഷന് കൗണ്സില് ഓഫ് സ്റ്റേറ്റ് എംപ്ലോയീസ് ആന്ഡ് ടീച്ചേഴ്സും അധ്യാപക സര്വിസ് സംഘടനാ സമരസമിതിയും. പ്രകടനങ്ങളില് ജീവനക്കാരും അധ്യാപകരും പങ്കെടുക്കണമെന്ന് ആക്ഷന് കൗണ്സില് ജനറല് കണ്വീനര് ടി.സി. മാത്തുക്കുട്ടിയും സമരസമിതി ജനറല് കണ്വീനര് എസ്. വിജയകുമാരന് നായരും ആവശ്യപ്പെട്ടു.പണിമുടക്ക് വിജയിപ്പിക്കാന് ഓള് കേരള സ്കൂള് ടീച്ചേഴ്സ് യൂനിയന് സംസ്ഥാന പ്രസിഡന്റ് ഒ.കെ. ജയകൃഷ്ണനും ജനറല് സെക്രട്ടറി എന്. ശ്രീകുമാറും ആവശ്യപ്പെട്ടു.
സംയുക്ത ട്രേഡ് യൂനിയെന്റ ആഭിമുഖ്യത്തില് നടത്തുന്ന രണ്ടുദിവസത്തെ പണിമുടക്ക് മുന്നില്ക്കണ്ട് ജനങ്ങള് കൂട്ടത്തോടെ ഇന്ധനം നിറക്കാനെത്തിയതിനാല് പെട്രോള് പമ്പുകളില് വലിയ തിരക്കനുഭവപ്പെട്ടു. തിങ്കളാഴ്ച വൈകീേട്ടാടെ തന്നെ ഭൂരിഭാഗം പമ്പുകളിലും വാഹനങ്ങളുെട നീണ്ട നിരയായിരുന്നു. രാത്രിയും തിരക്ക് തുടര്ന്നു. ചില പമ്പുകളില് ഇന്ധനം തീര്ന്നത് മറ്റു പമ്പുകളിലെ തിരക്ക് വര്ധിപ്പിച്ചു. വാഹനങ്ങള്ക്കുപുറെമ നിരവധിയാളുകള് കന്നാസുകളിലും കുപ്പികളിലും ഇന്ധനം നിറക്കാനെത്തിയിരുന്നു. ദേശീയ പണിമുടക്ക് കാരണമാക്കി വ്യാപാരികള് മത്സ്യം, കോഴി, പച്ചക്കറി വില കുത്തനെ ഉയര്ത്തി.
https://www.facebook.com/Malayalivartha
