ശബരിമലയുമായി ബന്ധപ്പെട്ട് നടത്തിയ ഹര്ത്താലിലുണ്ടായ നഷ്ടം... ആര്എസ്എസ് നേതാക്കള്ക്കും ശബരിമല കര്മസമിതിക്കും ഹൈക്കോടതിയുടെ നോട്ടീസ്
ശബരിമലയുമായി ബന്ധപ്പെട്ട് നടത്തിയ ഹര്ത്താലിലുണ്ടായ നഷ്ടം ഹര്ത്താലിന് ആഹ്വാനം ചെയ്തവരില് നിന്ന് ഈടാക്കി ഇരകള്ക്ക് നല്കണമെന്നാവശ്യപ്പെട്ട് സമര്പ്പിച്ച ഹര്ജിയില് ബിജെപി, ഹിന്ദു ഐക്യവേദി, ശബരിമല കര്മസമിതി, ആര്എസ്എസ് നേതാക്കളായ കെ പി ശശികല, എസ് ജെ ആര് കുമാര്, കെ എസ് രാധാകൃഷ്ണന്, ഡോ. ടി പി സെന്കുമാര്, ഗോവിന്ദ് ഭരതന്, പി എസ് ശ്രീധരന് പിള്ള, കെ സുരേന്ദ്രന്, എം ടി രമേശ്, എ എന് രാധാകൃഷ്ണന്, പി കെ കൃഷ്ണദാസ്, ഒ രാജഗോപാല്, ആര് എസ് എസ് പ്രാന്ത് സംഘ ചാലക് പി ഇ ബി മേനോന് എന്നിവര്ക്ക് ഹൈക്കോടതി നോട്ടീസ് അയച്ചു. തൃശൂര് സ്വദേശിയും അഖിലേന്ത്യാ കിസാന് സഭ തൃശൂര് ജില്ലാ സമിതി അംഗവുമായ ടി എന് മുകുന്ദന് നല്കിയ ഹര്ജി ഹര്ത്താലുകളെ ചോദ്യം ചെയ്ത് ചേമ്പര് ഓഫ് കൊമെഴ്സ് നല്കിയ ഹര്ജിക്കൊപ്പം പരിഗണിക്കാന് മാറ്റി.
സുപ്രിംകോടതി വിധിയുടെ പശ്ചാത്തലത്തില് ബിന്ദു അമ്മിണിയും കനകദുര്ഗയും ശബരിമലയില് ആരാധനക്ക് എത്തിയതിനെ തുടര്ന്നാണ് ശബരിമല കര്മസമിതിയും ഹിന്ദു ഐക്യവേദിയും ഹര്ത്താലിന് ആഹ്വാനം ചെയ്തിരുന്നത്. ജനുവരി രണ്ടിന് രാവിലെ 3.45നാണ് രണ്ടു പേരും ക്ഷേത്രത്തില് പ്രവേശിച്ചത്. ഇതിന് ശേഷമാണ് ശബരിമല കര്മസമിതിയും ഹിന്ദു ഐക്യവേദിയും ഹര്ത്താലിന് ആഹ്വാനം ചെയ്യുന്നത്.
ഇതിന് ബിജെപി, സംഘ്പരിവാര് സംഘടനകള് ഐക്യദാര്ഡ്യം പ്രഖ്യാപിച്ചു. സംസ്ഥാനത്തുടനീളം അക്രമം അഴിച്ചുവിട്ടു. പോലിസുകാര് അടക്കം നിരവധി പേര്ക്ക് പരിക്കേല്ക്കുകയും കോടിക്കണക്കിന് രൂപയുടെ നഷ്ടവുമുണ്ടാവുകയും ചെയ്തു. ഇത്തരം നഷ്ടങ്ങളുടെ ഉത്തരവാദിത്തം നേരിട്ടോ അല്ലാതെയോ അക്രമത്തിന് ആഹ്വാനം ചെയ്യുന്നവര്ക്കാണെന്ന കൊടുങ്ങല്ലൂര് ഫിലിം സൊസൈറ്റി കേസിലെ സുപ്രിംകോടതി വിധി നടപ്പാക്കണമെന്ന് ഹര്ജി പറയുന്നു.
https://www.facebook.com/Malayalivartha
