നാട്ടുകാരെ കാണിക്കാനാണോ പണിമുടക്ക് ;ഒന്നാം തീയതി പണിമുടക്ക് നോട്ടീസ് കിട്ടിയിട്ട് ഇന്നാണോ ചര്ച്ച നടത്തുന്നത്; ഇന്ന് അര്ധരാത്രി മുതല് നടത്താനിരുന്ന കെഎസ്ആര്ടിസി ജീവനക്കാരുടെ അനിശ്ചിതകാലപണിമുടക്ക് ഹൈക്കോടതി തടഞ്ഞു
ഇന്ന് അര്ധരാത്രി മുതല് നടത്താനിരുന്ന കെഎസ്ആര്ടിസി ജീവനക്കാരുടെ അനിശ്ചിതകാലപണിമുടക്ക് ഹൈക്കോടതി തടഞ്ഞു. സർക്കാരുമായുള്ള ഒത്തുതീർപ്പ് ചർച്ചയിൽ സമരക്കാർ പങ്കെടുക്കണമെന്നും കോടതി ആവശ്യപ്പെട്ടു. വ്യാഴാഴ്ച മുതൽ ചർച്ചകളിൽ പങ്കെടുക്കണമെന്നാണ് നിർദേശം. കേസ് വരുന്ന ചൊവ്വാഴ്ച വീണ്ടും പരിഗണിക്കും.
കെഎസ്ആര്ടിസി എംഡി ടോമിന് തച്ചങ്കരിക്ക് ഹൈക്കോടതിയുടെ രൂക്ഷവിമര്ശനമാണ് കേള്ക്കേണ്ടി വന്നത്. ഒന്നാം തീയതി പണിമുടക്ക് നോട്ടീസ് കിട്ടിയിട്ട് ഇന്നാണോ ചര്ച്ച നടത്തുന്നതെന്നും ഹൈക്കോടതി തച്ചങ്കരിയോട് ചോദിച്ചു. കെഎസ്ആര്ടിസിയിലെ പണിമുടക്കിനെ ചോദ്യം ചെയ്തുള്ള ഹര്ജിയിലാണ് കോടതിയുടെ വിമര്ശനം. നാട്ടുകാരെ കാണിക്കാൻ സമരം നടത്തരുതെന്നു പറഞ്ഞ കോടതി പ്രശ്ന പരിഹാരത്തിന് ശ്രമം നടക്കുന്പോൾ എന്തിനാണ് സമരമെന്നും ചോദിച്ചു.
ഇന്ന് നടത്തിയ ഒത്തുതീര്പ്പ് ചര്ച്ച പരാജയപ്പെട്ടെന്ന് സര്ക്കാരും എംഡിയും കോടതിയെ അറിയിച്ചു. തൊഴിലാളികളുടെ പ്രശ്നങ്ങള് എന്താണെന്ന് ചോദിച്ചറിയാന് എംഡിക്ക് ബാധ്യതയില്ലേ എന്ന് ചോദിച്ച കോടതി ഒത്തു തീര്പ്പ് ചര്ച്ച വൈകിയതെന്തുകൊണ്ടെന്ന് ചോദിച്ചു. പ്രശ്നപരിഹാരത്തില് എംഡിയുടെ നിലപാട് ശരിയല്ല. തൊഴിലാളികള്ക്ക് പ്രശ്നം പരിഹരിച്ചു തരണമെന്നാവശ്യപ്പെട്ട് മാനേജ്മെന്റിനെ സമീപിക്കാനേ കഴിയൂ. ചര്ച്ചയ്ക്ക് വേദി ഒരുക്കേണ്ടതും വിഷയമെന്തെന്ന് അന്വേഷിച്ച് പരിഹാരമുണ്ടാക്കേണ്ടതും മാനേജ്മെന്റാണെന്നും കോടതി നിരീക്ഷിച്ചു.
https://www.facebook.com/Malayalivartha