ആരോഗ്യസ്ഥിതി മോശം ; ശബരിമല വിഷയത്തില് ബിജെപി സെക്രട്ടേറിയറ്റിന് മുന്നില് നിരാഹാര സമരം നടത്തുന്ന മഹിളാമോര്ച്ച സംസ്ഥാന അധ്യക്ഷ പ്രൊഫ. വി.ടി. രമയെ അറസ്റ്റു ചെയ്ത് നീക്കി
ശബരിമല വിഷയത്തില് ബിജെപി സെക്രട്ടേറിയറ്റിന് മുന്നില് നിരാഹാര സമരം നടത്തുന്ന മഹിളാമോര്ച്ച സംസ്ഥാന അധ്യക്ഷ പ്രൊഫ. വി.ടി. രമയെ അറസ്റ്റു ചെയ്ത് നീക്കി. ആരോഗ്യ നില മോശമായതിനെ തുടര്ന്നാണ് അറസ്റ്റ് .
ആരോഗ്യനില മോശമായതിനെത്തുടര്ന്ന് രമയെ ആശുപത്രിയിലേക്ക് മാറ്റണമെന്ന് ഇന്നലെയും ഡോക്ടര്മാര് നിര്ദ്ദേശിച്ചിരുന്നു. എന്നാല് സമരത്തില് വിജയം കാണുന്നതുവരെ നിരാഹാര സമരത്തില് നിന്ന് പിന്മാറില്ലെന്ന് വി.ടി. രമ പ്രതികരിച്ചിരുന്നു. ബിജെപി മുന് സംസ്ഥാന പ്രസിഡന്റും, ദേശീയ സമിതി അംഗവുമായ പി.കെ. കൃഷ്ണദാസ് സമരം ഏറ്റെടുത്തു.
ഇന്നലെ പ്രചാര് സോഷ്യലിസ്റ്റ് പാര്ട്ടി (പിഎസ്പി) ചെയര്മാന് കെ.കെ പൊന്നപ്പന് നിരാഹാര സമരം ഉദ്ഘാടനം ചെയ്തു. ബിജെപി സംസ്ഥാന ജനറല് സെക്രട്ടറി ശോഭാ സുരേന്ദ്രന്, സംസ്ഥാന സെക്രട്ടറി വി.കെ സജീവന്, ഒ.രാജഗോപാല് എംഎല്എ, മഹിളാമോര്ച്ച സംസ്ഥാന സെക്രട്ടറി ലതാ മോഹന്, യുവമോര്ച്ച സംസ്ഥാന ജനറല് സെക്രട്ടറി രഞ്ജിത്ത് ചന്ദ്രന്, വനിതാ വിഭാഗം കണ്വീനര് രാഗേന്ദു, കേരള കോണ്ഗ്രസ്സ് സംസ്ഥാന ജനറല് സെക്രട്ടറി രാജന് കണ്ണാട്ട്, ബിജെപി ജില്ലാ പ്രസിഡന്റ് അഡ്വ.എസ് സുരേഷ്, ജില്ലാ സെക്രട്ടറി ആര്.സി. ബീന, മഹിളാമോര്ച്ച ജില്ലാ പ്രസിഡന്റ് വലിയശാല ബിന്ദു, യുവമോര്ച്ച ജില്ലാ പ്രസിഡന്റ് മഞ്ജിത്ത് തുടങ്ങിയവര് നിരാഹാരപന്തല് സന്ദര്ശിച്ചു.
https://www.facebook.com/Malayalivartha
