വേങ്ങലയില് കീടനാശിനി ശ്വസിച്ച് രണ്ട് കര്ഷകര് മരിച്ചു, മൂന്നു പേര് ആശുപത്രിയില്
വേങ്ങലയില് കീടനാശിനി ശ്വസിച്ച് രണ്ട് കര്ഷകര് മരിച്ചു. മൂന്ന് പേര് ആശുപത്രിയില്. വേങ്ങല് കഴുപ്പില് കോളനിയില് സനല് കുമാര്, ജോണി എന്നിവരാണ് മരിച്ചത്. മൂന്നു പേര് ചങ്ങനാശ്ശേരി താലൂക്ക് ആശുപത്രിയില് ചികിത്സയിലാണ്.
വ്യാഴാഴ്ചയാണ് ഇവര് പാടശേഖരത്ത് മരുന്ന് തളിച്ചത്. വിളവെത്താറായ നെല്ലിനാണ് മരുന്ന് തളിച്ചത്. ഇന്നലെ തൊഴിലാളികള് അസ്വസ്ഥത പ്രകടിപ്പിച്ചതിനെ തുടര്ന്ന് ആശുപത്രിയില് പ്രവേശിപ്പിക്കുകയായിരുന്നു. ഇന്ന് രാവിലെയാണ് മരണം സംഭവിച്ചത്.
മരിച്ച രണ്ടു പേരും കര്ഷക തൊഴിലാളികള് ആണ്.കൃഷി വകുപ്പ് അംഗീകരിച്ചു നല്കിയ കീടനാശിനിയാണോ ഇവര് ഉപയോഗിച്ചതെന്ന് വ്യക്തമല്ല. വിരാട് എന്ന പേരിലുള്ള കീടനാശിനി ചില സ്വകാര്യ ഏജന്സികള് എത്തിച്ചതാണെന്നും പറയുന്നു.
https://www.facebook.com/Malayalivartha