ഒരുവർഷം മുമ്പ് ഭർത്താവു മരിച്ചതോടെ രണ്ടുമക്കളെ പോറ്റാൻ കൂലിപ്പണിക്ക് ഇറങ്ങിയ വീട്ടമ്മയ്ക്ക് പിന്നാലെ വിവാഹാഭ്യർത്ഥനയുമായി യുവാവ്:- അഭ്യർത്ഥന നിരസിച്ചതോടെ യുവതിയുടെ മുഖത്ത് ആസിഡൊഴിച്ച് യുവാവ് ആത്മഹത്യ ചെയ്തു...
പലതവണ വിവാഹാഭ്യര്ത്ഥന നടത്തി പുറകെ നടന്ന് ശല്യം ചെയ്ത യുവാവിനെതിരെ പോലീസിൽ പരാതി നൽകിയ വിധവയുടെ മുഖത്ത് ആസിഡൊഴിച്ച ശേഷം കൂലിപ്പണിക്കാരന് ആത്മഹത്യ ചെയ്തു. കണ്ണിലും മുഖത്തും ആസിഡ് വീണ് പൊള്ളിയ യുവതിയുടെ നില അതീവ ഗുരുതരമാണ്. ആശാരിപ്പള്ളം മെഡിക്കല് കോളേജ് ആശുപത്രിയില് തീവ്രപരിചരണ വിഭാഗത്തിലാണ് ഗിരിജ.
തിരുവട്ടാര് സ്വദേശി ജോണ് റോസ് (35) ആണ് വിധവയും നാട്ടുകാരിയുമായ ഗിരിജയെ (35) ആസിഡൊഴിച്ച് കൊലപ്പെടുത്താന് ശ്രമിച്ച ശേഷം ജീവനൊടുക്കിയത്. വ്യാഴാഴ്ചയായിരുന്നു ആക്രമണം. ഗിരിജയുടെ ഭര്ത്താവ് ഒരു കൊല്ലം മുമ്ബാണ് മരിച്ചത്. ഇയാള് ആത്മഹത്യ ചെയ്യുകയായിരുന്നു. രണ്ട് പെണ്മക്കളാണ് ഗിരിജയ്ക്ക്. ഭര്ത്താവിന്റെ മരണശേഷം കൂലിവേലയെടുത്ത് ജീവിക്കുകയായിരുന്നു.
ജോണ് റോസുമായി ഇവര്ക്ക് അടുപ്പമുണ്ടായിരുന്നതായും പറയുന്നു. ഗിരിജയോട് ഇയാള് പലതവണ വിവാഹാഭ്യര്ത്ഥന നടത്തിയെങ്കിലും വഴങ്ങിയില്ല. ശല്യം കൂടിയപ്പോള് ഗിരിജ ജോണ് റോസിനെതിരെ പൊലീസില് പരാതി കൊടുത്തു. ഇതില് ക്ഷുഭിതനായ ജോണ് ഗിരിജയുടെ നേര്ക്ക് ആസിഡ് ഒഴിക്കുകയായിരുന്നു. തുടര്ന്ന് ഇയാള് വിഷം കഴിച്ചു. മാര്ത്താണ്ഡത്തെ സ്വകാര്യ ആശുപത്രിയില് ഇന്നലെയായിരുന്നു മരണം.
https://www.facebook.com/Malayalivartha
