ലോക് സഭാ തെരഞ്ഞെടുപ്പിന് മുന്നോടിയായി കേരളത്തിലെ കോൺഗ്രസ് പ്ര‍ർത്തകരെ കാണാൻ കൊച്ചിയിലെത്തിയ രാഹുൽ ഗാന്ധി ആദ്യം പോയത് എംഐ ഷാനവാസിന്‍റെ വീട്ടിലേക്ക്. വിമാനത്താവളത്തിൽ നിന്ന് നേരെ നോ‍ർത്ത് റെയിൽവെ സ്റ്റേഷന് സമീപത്തെ വീട്ടിലേക്ക് തിരിച്ച രാഹുൽ ഗാന്ധി ഷാനവാസിന്‍റെ കുടുംബാംഗങ്ങൾക്കൊപ്പം 10 മിനിറ്റ് ചെലവഴിച്ചു. തന്റെ ബാപ്പയെ ഓർത്തത്തിൽ വളരെയധികം സന്തോഷമുണ്ടെന്ന് മകൾ ആമിന ഷാനവാസ് മാധ്യമങ്ങളോട് പറഞ്ഞു. കൂടികാഴ്ക്കത്തയിൽ രാഷ്ട്രീയ ചർച്ചകളൊന്നും ഉണ്ടായില്ല എന്ന് ആമിന വ്യക്തമാക്കി.

മുതി‍‍ർന്ന നേതാക്കൾക്കൊപ്പമാണ് രാഹുൽ ഷാനവാസിന്‍റെ വീട്ടിലെത്തിയത്. ഏകെ ആന്‍റണി , ഉമ്മൻചാണ്ടി, രമേശ് ചെന്നിത്തല, മുല്ലപ്പള്ളി രാമചന്ദ്രൻ, മുകുൾ വാസ്നിക്, ശശി തരൂർ തുടങ്ങിയവർ രാഹുൽ ഗാന്ധിക്കൊപ്പമുണ്ടായിരുന്നു, മറ്റ് സംസ്ഥാനങ്ങളിൽ നിന്ന് വ്യത്യസ്തമായി കേരളത്തിലെ കോൺഗ്രസ് നേതാക്കളുടെ എളിമയാണ് തന്നെ ആകർഷിക്കുന്നതെന്ന് രാഹുൽ ഗാന്ധി പ്രതികരിച്ചു.