സംസ്ഥാനത്ത് കുടുംബശ്രീക്കായി 1000 കോടി രൂപ ബജറ്റില്‍ നീക്കി വെച്ചു. നാല് സുപ്രധാന പദ്ധതികളാണ് കുടുംബശ്രീക്കായി ബജറ്റില്‍ പ്രഖ്യാപിച്ചത്.12 ഉല്‍പ്പന്നങ്ങള്‍ ബ്രാന്‍ഡ് ചെയ്ത് വിപണിയിലെത്തിക്കാന്‍ പദ്ധതി കൊണ്ടു വരും. ഇതിനായി ഒരു മാര്‍ക്കറ്റിങ് വിങ് സ്ഥാപിക്കും. കുടുംബശ്രീയ്ക്കായി നാലു പദ്ധതികള്‍ പ്രഖ്യാപിച്ചിട്ടുണ്ട്. കുടുംബശ്രീ വഴി എല്ലാ വീടുകളിലേക്കും എല്‍ഇഡി ബള്‍ബുകള്‍ എത്തിക്കും. കൂടുതല്‍ സ്ത്രീകള്‍ക്ക് വരുമാനമുണ്ടാക്കാനുള്ള മാര്‍ഗ്ഗങ്ങളുണ്ടാക്കും.

ഇവന്റ് മാനേജ്മന്റെ്, കെട്ടിട നിര്‍മാണം ഉള്‍പ്പെടെയുള്ള മേഖലകളിലേക്കും കുടുംബശ്രീയുടെ പ്രവര്‍ത്തനം വ്യാപിപ്പിക്കും. 25,000 സ്ത്രീകള്‍ക്ക് 400 മുതല്‍ 600 രൂപ വരെ വരുമാനം ഉറപ്പു വരുത്തുന്ന പദ്ധതികള്‍ കൊണ്ടു വരും!
നാല് ശതമാനം പലിശ നിരക്കില്‍ 3500 കോടി രൂപയുടെ വായ്പ അനുവദിക്കുമെന്നും ബജറ്റില്‍ പ്രഖ്യാപനമായി.