കനകദുര്ഗ ജോലിയില് പ്രവേശിച്ചു; ജോലി സമയം കഴിയുന്നതുവരെ സപ്ലൈകോ ഡിപ്പോയ്ക്ക് മുന്നില് പോലീസ് കാവല് നിന്നു
ശബരിമല ദര്ശനം നടത്തിയ കനകദുര്ഗ കനത്ത പോലീസ് കാവലില് ജോലിയില് പ്രവേശിച്ചു. അങ്ങാടിപ്പുറത്തുള്ള സപ്ലൈകോയുടെ താലൂക്ക് ഡിപ്പോയിലാണ് ഇവര് ജോലിക്കെത്തിയത്. ശബരിമല സന്ദര്ശനത്തിനു ശേഷം ആദ്യമായാണ് ഇവര് ജോലിക്കെത്തുന്നത്. ഇതുവരെ അസി.സെയില്സ് വിമന് ആയി ആനമങ്ങാട് മാവേലി സ്റ്റോറിലാണ് ജോലി ചെയ്തിരുന്നത്.
എന്നാല് പ്രതിഷേധ സാധ്യത കണക്കിലെടുത്തു ഇവരെ അങ്ങാടിപ്പുറത്തേക്കു മാറ്റുകയായിരുന്നു. നിലവില് താലൂക്ക് ഡിപ്പോയില് അസി.സെയില്സ്വുമണ് തസ്തികയില് ഒഴിവില്ല. എന്നാല് പ്രത്യേക സാഹചര്യം കണക്കിലെടുത്തു ഇവരെ ജോലിക്കു പ്രവേശിപ്പിക്കുകയായിരുന്നു.
വൈകിട്ട് ജോലി കഴിയുന്നതുവരെ ഓഫീസിനു പുറത്ത് പോലീസ് കാവല് നിന്നു. വൈകിട്ട് പോലീസ് സുരക്ഷയില്ത്തന്നെ പെരിന്തല്മണ്ണയിലെ സംരക്ഷണ കേന്ദ്രത്തിലെത്തിച്ചു. ഭര്തൃവീട്ടില് പ്രവേശിപ്പിക്കണമെന്നും കുട്ടികളോടൊപ്പം കഴിയാന് സാഹചര്യം വേണമെന്നുമാവശ്യപ്പെട്ട് കനകദുര്ഗ നല്കിയ ഹര്ജി പുലാമന്തോള് ഗ്രാമ ന്യായാലയം നാലിനു പരിഗണിക്കും.
https://www.facebook.com/Malayalivartha
