ഭര്ത്താവുമായി ബന്ധം വേര്പിരിഞ്ഞ നിഷ മക്കളുമായി വാടകയ്ക്ക് താമസം... കുട്ടികള് സ്കൂള് കഴിഞ്ഞെത്തിയപ്പോൾ അമ്മയെ കാണ്മാനില്ല; പൂട്ടിയ നിലയിൽ കണ്ടെത്തിയ വീടിന്റെ വാതില് പൊളിച്ച് അകത്ത് കടന്നപ്പോൾ കണ്ട കാഴച്ച ഞെട്ടിക്കുന്നത്.. കസേരയില് ഇരിക്കുന്ന നിലയിൽ മൃതദേഹം; തൂങ്ങിയ കയറും മറ്റും മറ്റൊരു മുറിയിൽ... ദുരുഹതയോടെ വീട്ടമ്മയുടെ മരണം; സംഭവം കണ്ണൂർ കാടാച്ചിറയിൽ
നാട്ടുകാരും എടക്കാട് പോലീസും ചേര്ന്ന് ബുധനാഴ്ച രാത്രി 12-ഓടെയാണ് വാതില് പൊളിച്ച് അകത്തു കടന്നത്. കസേരയില് ഇരിക്കുന്ന നിലയിലായിരുന്നു മൃതദേഹം. എന്നാല് തൂങ്ങിയ കയറും മറ്റും കണ്ടത് മറ്റൊരു മുറിയിലായിരുന്നു. സംഭവത്തിലെ ദുരൂഹത കാരണം പോലീസ് വിശദാന്വേഷണം നടത്തി. വ്യാഴാഴ്ച രാവിലെ ഡോഗ് സ്ക്വാഡ്, വിരലടയാളവിദഗ്ധര്, ഫൊറന്സിക് വിഭാഗം ഉദ്യോഗസ്ഥര് എന്നിവര് സ്ഥലത്തെത്തി. പോലീസ് നായ 200 മീറ്റര് ഓടി കൂത്തുപറമ്പ് ഭാഗത്തെ ഒരു വീടിന് സമീപം നിന്നു. കണ്ണൂര് ഡിവൈ.എസ്.പി. പി.പി.സദാനന്ദന്, സിറ്റി സി.ഐ. പ്രദീപന് കണ്ണിപ്പൊയില്, എടക്കാട് എസ്.ഐ. മഹേഷ് കണ്ടമ്പേത്ത് തുടങ്ങിയവര് സ്ഥലത്തെത്തി. ഉച്ചയോടെ ഇന്ക്വസ്റ്റ് നടത്തിയ മൃതദേഹം പോസ്റ്റ്മോര്ട്ടത്തിനായി കൊണ്ടുപോയി. കാടാച്ചിറ പ്രാഥമികാരോഗ്യകേന്ദ്രത്തിന് സമീപത്തെ ക്വാര്ട്ടേഴ്സിലാണ് നിഷയെ മരിച്ചനിലയില് കണ്ടെത്തിയത്. പാലയാട്ടെ നിഷ(36)യാണ് മരിച്ചത്. ഭര്ത്താവുമായി ബന്ധം വേര്പിരിഞ്ഞ നിഷ മക്കളുമായി ക്വാര്ട്ടേഴ്സില് വാടകയ്ക്ക് താമസിക്കുകയാണ്. സ്കൂള് കഴിഞ്ഞു വന്ന കുട്ടികള് അമ്മയെ കണ്ടില്ല. വീട് പൂട്ടിയ നിലയിലായിരുന്നു. തുടര്ന്ന് നാട്ടുകാര് നടത്തിയ അന്വേഷണത്തിലാണ് വീടിനുള്ളില് മരിച്ച നിലയില് കണ്ടത്.
https://www.facebook.com/Malayalivartha
