കളമശേരിയില്‍ ഗ്യാസ് സിലിണ്ടര്‍ കൊണ്ടുപോവുകയായിരുന്ന ലോറിക്ക് തീപിടിച്ചു. ഇന്നലെ രാവിലെ പത്തേകാലോടെ ഹിന്ദുസ്ഥാന്‍ പെട്രോളിയം കോര്‍പ്പറേഷന്റെ സൗത്ത് കളമശേരിയിലെ ഹിന്ദ് ഗ്യാസ് ഗോഡൗണില്‍ നിന്ന് വിതരണത്തിനായി 60 സിലിന്‍ഡറുകളുമായി പോയ മിനിലോറി പ്രീമിയര്‍ കവലയിലെ സിഗ്‌നല്‍ കാത്ത് കിടക്കുമ്പോഴാണ് ലോറിക്കടിയില്‍ നിന്നും തീയും പുകയുമുയര്‍ന്നത്.

അപകടമുണ്ടായതോടെ നാട്ടുകാരും മറ്റു വാഹനങ്ങളിലുള്ളവരും ഓടി രക്ഷപ്പെടാന്‍ ശ്രമിക്കുന്നതിനിടെ മറ്റൊരു ലോറി ഡ്രൈവറുടെ ധൈര്യവും സമയോചിത ഇടപെടലുമാണ് വന്‍ ദുരന്തം ഒഴിവാക്കാനായത്. പതിനൊന്നോടെ ഗതാഗതം പുനസ്ഥാപിച്ചു. മോട്ടോര്‍ വെഹിക്കിള്‍, എച്ച് പി ഗ്യാസ് ഉദ്യോഗസ്ഥരെത്തി പരിശോധന നടത്തി .