ഡിവൈഎസ്പിമാരെ തരം താഴ്ത്തിയതില്‍ സംസ്ഥാന സര്‍ക്കാരിന് തിരിച്ചടി. നാല് ഡിവൈഎസ്പിമാരുടെ തരംതാഴ്ത്തല്‍ കേരളാ അഡ്മിനിസ്ട്രേറ്റീവ് ട്രിബ്യൂണല്‍ റദ്ദാക്കി. ഈ മാസം 14 വരെയാണ് റദ്ദാക്കിയത്. ഇതിനിടെ തരം താഴ്ത്തലിന് പിന്നാലെ സംസ്ഥാന പോലീസില്‍ ചേരിപ്പോര് രൂക്ഷമായെന്നാണ് റിപ്പോര്‍ട്ട് .

സര്‍ക്കാര്‍ സ്ഥാനക്കയറ്റം നല്‍കിയ ഉദ്യോഗസ്ഥരുടെയും കേസുകളുടെ വിശദാംശങ്ങള്‍ കോടതിയില്‍ അറിയിക്കാനുള്ള ഒരുക്കത്തിലാണ് ഒഴിവാക്കപ്പെട്ട ഉദ്യോഗസ്ഥര്‍. ഒരു വിഭാഗത്തെ ഒഴിവാക്കിയത് കണ്ണൂരില്‍ നിന്നുള്ളവര്‍ക്ക് സ്ഥാനക്കയറ്റം നല്‍കാനാണെന്ന ആരോപണവും ശക്തമായി.

11 ഡിവൈഎസ്പിമാരെയായിരുന്നു സര്‍ക്കാര്‍ സിഐമാരായി തരം താഴ്ത്തിയത്. തരം താഴ്ത്തപ്പെട്ട മറ്റ് ഉദ്യോഗസ്ഥരുടെ കേസ് നാളെ ട്രിബ്യൂണല്‍ പരിഗണിക്കും.