സംസ്ഥാനത്ത് പുഴകളില്നിന്ന് മണലൂറ്റുന്നതിനുള്ള അനുമതി ഉടന് നല്കുമെന്നു മന്ത്രി ഇ. ചന്ദ്രശേഖരന്
സംസ്ഥാനത്ത് പുഴകളില്നിന്ന് മണലൂറ്റുന്നതിനുള്ള അനുമതി ഉടന് നല്കുമെന്നു മന്ത്രി ഇ. ചന്ദ്രശേഖരന് . കടലുണ്ടി, പമ്പ, ചാലിയാര് ഉള്പ്പെടെ 19 നദികളിലെ മണല് ഓഡിറ്റ് പൂര്ത്തിയായി കഴിഞ്ഞു. മണലുണ്ടെന്നു കണ്ടെത്തിയ സ്ഥലങ്ങളില്നിന്ന് മണല് വാരാന് അനുമതി നല്കും. അതിനായി പാരിസ്ഥിതികാനുമതിക്ക് അപേക്ഷിക്കാന് ബന്ധപ്പെട്ട സ്ഥാപനങ്ങളോട് നിര്ദേശിച്ചിട്ടുണ്ടെന്നും മന്ത്രി വ്യക്തമാക്കി.
എല്ദോ ഏബ്രഹാമിന്റെ ഉപക്ഷേപത്തിനു മറുപടി നല്കുകയായിരുന്നു മന്ത്രി. മാഹി, ശ്രീകണ്ഠപുരം, ഭവാനി, ഗായത്രി ഉള്പ്പെടെ 14 നദികളില് മണല് ഓഡിറ്റ് പുരോഗമിക്കുന്നുമുണ്ട്. പ്രളയത്തിനു ശേഷം നദികളോടു ചേര്ന്ന് ചെളിയും മണലും കൂടിക്കലര്ന്ന് കിടക്കുന്നത് വേര്തിരിച്ചെടുക്കാന് ആവശ്യപ്പെട്ടിട്ടുമുണ്ട്.
ഇത്തരത്തില് വേര്തിരിച്ചെടുക്കുന്ന മണല് പ്രളയബാധിതര്ക്കും റോഡ് നിര്മാണത്തിനും സര്ക്കാര് വിലയ്ക്കു നല്കാന് ജില്ലാ കലക്ടര്മാര്ക്കു നിര്ദേശം നല്കിയതായും മന്ത്രി അറിയിച്ചു.
"
https://www.facebook.com/Malayalivartha
