അപകടത്തിന്റെ പേരില് കെ.എസ്.ആര്.ടി.സിയില് ഡ്രൈവര്മാര് ക്രൂശിക്കപ്പെടുന്നു; അപകടത്തിനു കാരണക്കാരനല്ലെങ്കിലും ഓടിച്ച ബസ് അപകടത്തിപ്പെട്ട് ആരുടെയെങ്കിലും ജീവന് നഷ്ടമായാല് ആറു മാസത്തേക്ക് ഡ്രൈവറുടെ ലൈസന്സ് സസ്പെന്ഡു ചെയ്യുന്നു
അപകടത്തിന്റെ പേരില് കെ.എസ്.ആര്.ടി.സിയില് ഡ്രൈവര്മാര് ക്രൂശിക്കപ്പെടുന്നു. അപകടത്തിനു കാരണക്കാരനല്ലെങ്കിലും ഓടിച്ച ബസ് അപകടത്തിപ്പെട്ട് ആരുടെയെങ്കിലും ജീവന് നഷ്ടമായാല് ആറു മാസത്തേക്ക് ഡ്രൈവറുടെ ലൈസന്സ് സസ്പെന്ഡു ചെയ്യുന്നതു മൂലം ഡ്രൈവര്ക്ക് ഇക്കാലത്ത് ജോലിയും ശമ്പളവും നഷ്ടമാകും. ഇതുമൂലം പലകുടുംബങ്ങളും പട്ടിണിയിലാണ്.
അപകടത്തിന് കെ.എസ്.ആര്.ടി.സി ബസോ അത് ഓടിച്ചിരുന്ന ഡ്രൈവറേ കാരണമാകണമെന്നില്ല. മറ്റുള്ളവരുടെ അശ്രദ്ധമൂലമുണ്ടാകുന്ന അപകടമാണങ്കിലും ദുരിതത്തിലാകുന്നത് ബസ് ഡ്രൈവര്മാരാണ്. കാല്നടക്കാരുടെ അശ്രദ്ധമൂലമുണ്ടാകുന്ന അപകടത്തിനും 'ഉത്തരവാദി' ബസ് ഡ്രൈവറാണ്. കോര്പ്പറേഷന് ഉദ്യോഗസ്ഥനായതിനാല് ലൈസന്സ് സസ്പെന്ഡു ചെയ്താലും മറ്റു ജോലികള്ക്ക് പോകാനാകില്ല. ഡ്രൈവര്മാരുടെ ക്ഷാമം രൂക്ഷമായ കെ.എസ്.ആര്.ടി.സിയില് മാത്രം നൂറോളം ഡ്രൈവര്മാര് ഇത്തരത്തില് പീഡനത്തിനിരയായിട്ടുണ്ട്.
ഡ്രൈവര്ക്ക് അനുകൂലമായ ഡിപ്പാര്ട്ടമെന്റ് റിപ്പോര്ട്ട് ഉണ്ടെങ്കിലും കാര്യമുണ്ടാകാറില്ല. ഗതാഗതവകുപ്പിന്റെ നടപടി ക്രമങ്ങളില്പ്പെട്ട് കാലങ്ങളോളം ഉപജീവനമാര്ഗമായ ഡ്രൈവിംഗ് ജോലി എടുക്കാനാവില്ല. അപകടത്തില് മരണപ്പെട്ടവരെ സഹായിക്കാന് പലപ്പോഴും പോലീസ് റിപ്പോര്ട്ട് ഡ്രൈവര്ക്ക് എതിരാകുന്നതാണ് കാരണം. മനപൂര്വ്വമല്ലാത്ത നരഹത്യയാകും കേസില് പോലീസ് സ്വീകരിക്കുക. ഇതാണ് ഡ്രൈവര്മാരുടെ അശ്രദ്ധയായി കണക്കാക്കി ഗതാഗതവകുപ്പ് ലൈസന്സ് സസ്പെന്ഡു ചെയ്യാന് കാരണം. കുറ്റക്കാരല്ലാത്ത കേസില് തങ്ങളെ പീഡിപ്പിക്കരുതെന്ന ആവശ്യവുമായി ഡ്രൈവര്മാര് മുട്ടാത്ത വാതിലുകള് ഇല്ലെങ്കിലും ഇക്കാര്യത്തില് ഇതേവരെ യാതൊരു നടപടിയും ഉണ്ടായിട്ടില്ല.
https://www.facebook.com/Malayalivartha
