സംസ്ഥാന സര്‍ക്കാരിന്റെ മികച്ച ജില്ലാ പഞ്ചായത്തിനുള്ള ഗ്രാമ സ്വരാജ് പുരസ്‌കാരം തിരുവനന്തപുരം ജില്ലാ പഞ്ചായത്തിന്. കൂടുതല്‍ പദ്ധതി വിഹിതം ചെലവഴിച്ചതിനും നൂതന പദ്ധതികള്‍ ആവിഷ്‌കരിച്ച് നടപ്പിലാക്കിയതിനുമാണ് പുരസ്‌കാരം. കൂടാതെ വേറിട്ട പ്രവര്‍ത്തനങ്ങള്‍ നടത്തിയ മികച്ച ജനപ്രതിനിധിയായി തിരുവനന്തപുരം ജില്ലാ പഞ്ചായത്ത് പ്രസിഡന്റ് വി.കെ മധുവിനെയും തെരഞ്ഞെടുത്തു.

സംസ്ഥാനത്ത് ജനക്ഷേമ പ്രവര്‍ത്തനങ്ങള്‍ നടത്തിയതിന് തദ്ദേശ സ്വയംഭരണ വകുപ്പ് നല്‍കുന്ന ഗ്രാമ സ്വരാജ് പുരസ്‌കാരം തിരുവനന്തപുരം ജില്ലാ പഞ്ചായത്തിന് ലഭിക്കുന്നത് ആദ്യമായിട്ടാണ്.201718 സാമ്ബത്തിക വര്‍ഷത്തില്‍ ഏറ്റവും കൂടുതല്‍ പദ്ധതി തുക ചെലവഴിച്ചതിന്നും നൂതന പദ്ധതികള്‍ ആവിഷ്‌കരിച്ച് നടപ്പിലാക്കിയതിനുമാണ് പുരസ്‌കാരം.

കൂടാതെ ചെങ്ങന്നൂരിലെ വിവിധപ്രദേശങ്ങലില്‍ പ്രളയാനന്തര പുനപ്രവര്‍ത്തനം നടത്തിയതും അവാര്‍ഡിനായി ജില്ലാപഞ്ചായത്തിനെ തിരഞ്ഞെടുക്കുന്നതിന് കാരണമായി. വേറിട്ട പ്രവര്‍ത്തനങ്ങള്‍ നടത്തിയ മികച്ച ജനപ്രതിനിധിയായി തിരുവനന്തപുരം ജില്ലാ പഞ്ചായത്തിന്റെ തന്നെ പ്രസിഡന്റ് വി.കെ മധു വിനെയും തെരഞ്ഞെടുത്തു. ആദ്യമായാണ് സംസ്ഥാന സര്‍ക്കാര്‍ മികച്ച പ്രവര്‍ത്തനം നടത്തിയ ജനപ്രതിനിധിക്ക് അവാര്‍ഡ് നല്‍കുന്നത്.തൃശൂരില്‍ നടന്ന പത്രസമ്മേളനത്തില്‍ തദ്ദേശസ്വയംഭരണവകുപ്പ് മന്ത്രി എസി മൊയ്തീനാണ് അവാര്‍ഡ് പ്രഖ്യാപിച്ചത്.

ഇന്ത്യയിലെ മികച്ച ജില്ലാ പഞ്ചായത്തിനുള്ള ദീന്‍ദയാല്‍ ഉപാദ്യായ നാഷ്ണല്‍ അവാര്‍ഡിനായി തിരുവനന്തപുരം ജില്ലാ പഞ്ചായത്തിനെ നാമിനേറ്റ് ചെയ്തിട്ടുള്ളതും ഔദ്യോഗിക വെരിഫിക്കേഷന്‍ നടപടികള്‍പൂര്‍ത്തിയായിട്ടുള്ളതുമാണ്.