സംസ്ഥാന വനിത ശിശുവികസന വകുപ്പ് അന്താരാഷ്ട്ര വനിതാ ദിനത്തോടനുബന്ധിച്ച് മാര്‍ച്ച് 1 മുതല്‍ 8 വരെ വിപുലമായ പരിപാടികളാണ് സംഘടിപ്പിക്കുന്നത്. സധൈര്യം മുന്നോട്ടിന്റെ ഭാഗമായി 'ചിന്തിക്കാം സൃഷ്ടിക്കാം സമഭാവനയുടെ നവകേരളം' എന്ന മുദ്രാവാക്യവുമായാണ് വനിതാ വാരാചരണം സംഘടിപ്പിക്കുന്നത്. വനിത വികസന കോര്‍പറേഷന്‍, വനിത കമ്മീഷന്‍, സോഷ്യല്‍ സെക്യൂരിറ്റി മിഷന്‍, സോഷ്യല്‍ ജസ്റ്റിസ് ബോര്‍ഡ്, ജെന്‍ഡര്‍ പാര്‍ക്ക് എന്നിവയുടെ സഹകരണത്തോടെയാണ് വനിത വാരാചരണം സംഘടിപ്പിക്കുന്നത്. അന്താരാഷ്ട്ര വനിതാ വാരാചരണം സംസ്ഥാനതല ഉദ്ഘാടനം മാര്‍ച്ച് 1 ന് ഗവര്‍ണറും വനിത ദിനാചരണ സംസ്ഥാനതല ഉദ്ഘാടനവും വനിതാരത്‌ന പുരസ്‌കാര വിതരണവും മാര്‍ച്ച് 8ന് മുഖ്യമന്ത്രിയും നിര്‍വഹിക്കുന്നു.

മാര്‍ച്ച് 1

അന്താരാഷ്ട്ര വനിതാ വാരാചരണത്തിന്റെ സംസ്ഥാനതല ഉദ്ഘാടനവും വനിത വികസന കോര്‍പറേഷന്റെ നേതൃത്വത്തില്‍ സംഘടിപ്പിക്കുന്ന വനിത സംരംഭകരുടേയും നൂതന സംരഭകരുടേയും കൂട്ടായ്മയായ നവാംഗന 2019ന്റേയും ഉദ്ഘാടനം മാര്‍ച്ച് 1 ന് രാവിലെ 9.30ന് തിരുവനന്തപുരം ജഗതി ജവഹര്‍ സഹകരണ ആഡിറ്റോറിയത്തില്‍ ഗവര്‍ണര്‍ ജസ്റ്റിസ് (റിട്ട) പി. സദാശിവം നിര്‍വഹിക്കും. മന്ത്രി കെ.കെ. ശൈലജ ടീച്ചര്‍ അധ്യക്ഷത വഹിക്കും.

മാര്‍ച്ച് 2

വനിത ശിശുവികസന വകുപ്പിന്റെ നേതൃത്വത്തില്‍ ചന്ദ്രശേഖരന്‍നായര്‍ സ്റ്റേഡിയത്തില്‍ രാവിലെ 9 മണിമുതല്‍ ലിംഗഭേദമന്യേ പങ്കെടുക്കുന്ന ജെന്‍ഡര്‍ ന്യൂട്രല്‍ ഫുട്‌ബോള്‍ സംഘടിപ്പിക്കുന്നു. സാമൂഹ്യനീതി വകുപ്പ് സ്‌പെഷ്യല്‍ സെക്രട്ടറി ബിജു പ്രഭാകര്‍ ഫുട്‌ബോള്‍മാച്ച് ഉദ്ഘാടനം ചെയ്യും.

മാര്‍ച്ച് 3

രാവിലെ 9.30 മുതല്‍ രാത്രി 10 മണി വരെ സോഷ്യല്‍ സെക്യൂരിറ്റി മിഷന്റെ നേതൃത്വത്തില്‍ കോഴിക്കോട് ടാഗോര്‍ സെഞ്ച്വറി ഹാളില്‍ വനിത ചലച്ചിത്രോത്സവം ഉണ്ടായിരിക്കും.

മാര്‍ച്ച് 4

വനിത ശിശു വികസന വകുപ്പിന്റെ നേതൃത്വത്തില്‍ കോഴിക്കോട് ചില്‍ഡ്രന്‍സ് ഹോം ഫോര്‍ ഗേള്‍സില്‍ വച്ച് പോക്‌സോ, പോഷ് ആക്ടുകള്‍ സംബന്ധിച്ച് സെമിനാര്‍ നടക്കും.

മാര്‍ച്ച് 5

രാവിലെ 9 മണിമുതല്‍ തിരുവനന്തപുരം സെന്‍ട്രല്‍ ലൈബ്രറി ഹാളില്‍ വനിത ശിശു വികസന വകുപ്പിന്റെ നേതൃത്വത്തില്‍ സധൈര്യം ക്യാമ്പയിനുമായി ബന്ധപ്പെട്ട് വകുപ്പിലെ ജീവനക്കാരുടേയും താമസക്കാരുടേയും വിവിധ കലാപരിപാടികള്‍ ഉണ്ടായിരിക്കുന്നതാണ്.

മാര്‍ച്ച് 6

രാവിലെ 9 മണിക്ക് വനിത ശിശു വികസന വകുപ്പിന്റെ നേതൃത്വത്തില്‍ തിരുവനന്തപുരം സെന്‍ട്രല്‍ സ്റ്റേഡിയത്തില്‍ സ്വയരക്ഷ പരിശീലന പ്രകടനം നടത്തുന്നു.

മാര്‍ച്ച് 7

ഉച്ചയ്ക്ക് 2 മണിക്ക് കേരള വനിത കമ്മീഷന്റെ നേതൃത്വത്തില്‍ എറണാകുളം ടൗണ്‍ ഹാളില്‍ സ്ത്രീകളെ ആദരിക്കല്‍ ചടങ്ങ് സംഘടിപ്പിക്കുന്നു.

മാര്‍ച്ച് 8

അന്താരാഷ്ട്ര വനിത ദിനത്തില്‍ വനിത ശിശു വികസന വകുപ്പിന്റെ നേതൃത്വത്തില്‍ രാവിലെ 9.30 മണി മുതല്‍ തിരുവനന്തപുരം വിമന്‍സ് കോളേജില്‍ ശാസ്ത്രം കപടശാസ്ത്രം, സ്ത്രീയും രസതന്ത്രവും സെമിനാര്‍ സംഘടിപ്പിക്കുന്നു. ഉച്ചയ്ക്ക് രണ്ട് മണിയ്ക്ക് നിശാഗന്ധി ആഡിറ്റോറിയത്തില്‍ നടക്കുന്ന വനിത ദിനാചരണ സംസ്ഥാനതല ഉദ്ഘാടനവും വനിതാരത്‌ന പുരസ്‌കാര വിതരണവും മുഖ്യമന്ത്രി പിണറായി വിജയന്‍ നിര്‍വഹിക്കുന്നു. ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര്‍ ചടങ്ങില്‍ അധ്യക്ഷത വഹിക്കും.