ഓരോ ഇന്ത്യക്കാരനും അഭിമാനമാണ് ഈ വൈമാനികൻ; അഭിനന്ദനെ അഭിനന്ദിച്ച് പ്രതിപക്ഷ നേതാവ് രമേശ് ചെന്നിത്തല
രാജ്യത്തിന്റെ വീര പുത്രൻ വിംഗ് കാമൻറ്റർ അഭിനന്ദൻ വർദ്ധമാന് അഭിനന്ദനപ്രവാഹവുമായി പ്രതിപക്ഷ നേതാവ് രമേശ് ചെന്നിത്തല രംഗത്ത്. തന്റെ ഫേസ്ബുക്ക് പോസ്റ്റിലൂടെയാണ് ചെന്നിത്തല അഭിനന്ദനം അറിയിച്ചത്.
'പ്രാർത്ഥനകൾ സഫലമായി. പ്രിയ അഭിനന്ദൻ പിറന്നനാട്ടിൽ മടങ്ങിയെത്തി. ഓരോ ഇന്ത്യക്കാരനും അഭിമാനമാണ് ഈ വൈമാനികൻ. അഭിനന്ദനം അഭിനന്ദൻ'; ചെന്നിത്തല ഫേസ്ബുക്കിൽ കുറിച്ചു.
പാക് പിടിയിലായി മൂന്ന് ദിവസത്തിനകം തന്നെ വിങ് കമാന്റര് അഭിനന്ദിനെ ഇന്ത്യയില് തിരിച്ചെത്തിക്കാനായത് വലിയ നയതന്ത്ര വിജയമെന്നാണ് വിലയിരുത്തുന്നത്. ദേശീയ പതാക വീശിയും നൃത്തം ചവിട്ടിയും മുദ്രാവാക്യം വിളിച്ചും നൂറ് കണക്കിന് ആളുകളാണ് ഇന്ത്യയുടെ വിവിധ ഭാഗങ്ങളില് നിന്ന് വാഗ അതിര്ത്തിയില് വിങ് കമാന്ററെ കാത്തുനിന്നത്.
നയതന്ത്ര നീക്കങ്ങളും ആകാംക്ഷ നിറഞ്ഞ മണിക്കൂറുകള്ക്കും ഒടുവിലായിരുന്നു അഭിനന്ദന് വര്ദ്ധമാന്റെ മോചനം. രാത്രി ഒൻപത് മണിയോടെയാണ് വിങ് കമാന്ഡര് അഭിനന്ദന് വര്ദ്ധമാനെ പാകിസ്ഥാന് ഇന്ത്യയ്ക്ക് കൈമാറിയത്. മണിക്കൂറുകള് വൈകിച്ചാണ് അഭിനന്ദനെ പാകിസ്ഥാന് ഇന്ത്യക്ക് വിട്ടു നല്കിയത്.
വ്യോമസേനയുടെ വലിയ ഒരു സംഘം തന്നെ വിങ് കമാന്ററെ സ്വീകരിക്കാന് വാഗാ അതിര്ത്തിയിലെത്തിയിരുന്നു. അഭിനന്ദന്റെ കുടുംബാംഗങ്ങളും സ്വീകരണ ചടങ്ങിന് എത്തി. വന് സുരക്ഷാ സംവിധാനങ്ങളാണ് പഞ്ചാബ് പൊലീസ് ഒരുക്കിയിരുന്നത്.
https://www.facebook.com/Malayalivartha
