യുവാവ് ആത്മഹത്യ ചെയ്ത സംഭവത്തിൽ ഭാര്യയും കാമുകനും അറസ്​റ്റിൽ. ആറ്​ വയസ്സുള്ള മകളെയും തന്നെയും ഉപേക്ഷിച്ച് ഭാര്യ കാമുകനൊപ്പം പോയതിനെ തുടർന്ന് കഴിഞ്ഞമാസം ഏഴിന് രാവിലെയാണ് തെന്നൂർ വേലംകോണം സ്വദേശി ദീപു എന്ന മുഹമ്മദ് സജീറിനെ (32) വീടിന് സമീപത്തെ റബർ പുരയിടത്തിൽ തൂങ്ങിമരിച്ച നിലയിൽ കണ്ടെത്തിയത്. ഭാര്യ വാമനപുരം ആനച്ചൽ ലക്ഷം വീട് കോളനിയിൽ ഷിബിന (29), കാമുകൻ അരുവിക്കര ചെറിയ കൊണ്ണി ഗോകുൽ വിലാസം കട്ടറകുഴിവീട്ടിൽ ഗോകുൽ (28) എന്നിവരാണ് മരണത്തിന് ഉത്തരവാദിയെന്ന് കുറിപ്പ് എഴുതി​െവച്ച ശേഷമായിരുന്നു ദീപു ആത്മഹത്യ ചെയ്തത്.

ഷിബിനയെ വിവാഹം കഴിക്കുന്നതിന് വേണ്ടി ക്രിസ്ത്യാനിയായിരുന്ന ദീപു ഏഴ് വര്‍ഷം മുന്‍പ് ഇസ്ലാം മതം സ്വീകരിക്കുകയായിരുന്നു. ഇവര്‍ക്ക് ഒരു മകളുണ്ട്. എന്നിട്ടും തന്നെക്കാള്‍ ഒരു വയസിന് ഇളപ്പമുള്ള ഗോകുലുമായി പ്രണയത്തിലാവുകയായിരുന്നു. ആഴ്‌ച്ചകള്‍ക്ക് മുന്‍പ് ഭര്‍ത്താവിനെയും ആറ് വയസ്സുള്ള കുഞ്ഞിനെയും ഉപേക്ഷിച്ച്‌ ഗോകുലിനൊപ്പം ഷിബിന പോയി. മനോവിഷമത്തില്‍ ദീപു കഴിഞ്ഞ മാസം ഏഴിന് തൂങ്ങി മരിക്കുകയായിരുന്നുവെന്ന് പൊലീസ് പറഞ്ഞു.