കേരളത്തിൽ ക്രമാതീതമായി ചൂടു വർദ്ധിച്ചുവരുന്നു. ഈവർഷം വേനൽ കടക്കുമെന്നാണ് കാലാവസ്ഥ നിരീക്ഷണ കേന്ദ്രത്തിന്റെ പ്രവചനം
വരുന്ന ഒരാഴ്ച കേരളത്തില്‍ കടുത്ത ചൂടിന് സാധ്യതയെന്ന് കേന്ദ്രകാലാവസ്ഥാ വകുപ്പ് മുന്നറിയിപ്പ് നൽകിയിട്ടുണ്ട് . തൃശ്ശൂര്‍ മുതല്‍ കോഴിക്കോട് വരെയുള്ള ജില്ലകളില്‍ കൊടും ചൂട് അനുഭവപ്പെടുമെന്നും മുന്നറിയിപ്പുണ്ട് .

കഴിഞ്ഞ 40 വർഷത്തെ ശരാശരി എടുത്താൽ അര ഡിഗ്രി മുതൽ ഒരു ഡിഗ്രി വരെ കേരളത്തിൽ ചൂട് വർധിച്ചിട്ടുണ്ട്. അതേസമയം പകൽസമയങ്ങളിൽ അൾട്രാവയലറ്റ് രശ്മികൾ പ്രവഹിക്കുന്നു എന്ന നവമാധ്യമങ്ങളിലെ വാർത്ത സംബന്ധിച്ച് സ്ഥിരീകരണമുണ്ടായിട്ടില്ല. സംസ്ഥാനത്ത് ആകമാനം രണ്ട് മുതല്‍ നാല് ഡിഗ്രിവരെ ചൂട് ഉയരാമെന്നാണ് കാലാവസ്ഥാ വകുപ്പിന്റെ പ്രവചനം.

11 മണി മുതല്‍ മൂന്ന് മണി മുതല്‍ കഴിയുന്നതും വെയിലത്ത് പോകുന്നത് ഒഴിവാക്കണം. പുറത്ത് ജോലിചെയ്യുന്നവരും യാത്രചെയ്യുന്നവരും എപ്പോഴും കുടിവെള്ളം കരുതണം. നിര്‍ജലീകരണം ഒഴിവാക്കാന്‍ നിശ്ചിത ഇടവേളകളില്‍വെള്ളം കുടിക്കണം. സ്്കൂളുകളില്‍ വിദ്യാര്‍ഥികള്‍ക്ക് കുടിവെള്ളം ലഭ്യമാക്കണമെന്നും അതേറിറ്റി നിര്‍ദ്ദേശിച്ചു.

വേനലിന്റെ ചൂട് കടുത്തതോടെ സംസ്ഥാനത്ത് തൊഴിൽ നിയന്ത്രണവും ഏർപ്പെടുത്തി. ചൂട് വർദ്ധിച്ചുവരുന്നതിനാൽ തുറസ്സായ സ്ഥലങ്ങളിലെ തൊഴിൽ സമയങ്ങളിൽ മാറ്റംവരുത്തി തൊഴിൽ വകുപ്പ് ഉത്തരവിറക്കി. ഉത്തരവ് ലംഘിക്കുന്നവർക്കെതിരെ ശക്തമായ നിയമനടപടി സ്വീകരിക്കുമെന്നും ലേബർ കമ്മീഷണർ അറിയിച്ചു.
11 മുതല്‍മൂന്നുമണി വരെ ചൂട് ഏറ്റവും കൂടിയ സമയത്ത് പുറം ജോലികളില്‍ നിന്ന് തൊഴിലാളികളെ ഒഴിവാക്കണം. ഈ നിര്‍ദ്ദേശം എല്ലാ തൊഴില്‍ദാതാക്കളും കര്‍ശനമായി പാലിക്കണമെന്നും ദുരന്തനിവാരണ അതോറിറ്റി ആവശ്യപ്പെട്ടിട്ടുണ്ട്.

ആഗോള താപനവും ഒപ്പം വനം നശീകരണവുമാണ് ചൂട് വർദ്ധിക്കാനുള്ള പ്രധാന കാരണമെന്നാണ് വിദഗ്ധാഭിപ്രായം.