അബദ്ധത്തിൽ ടാറിൽ ചവിട്ടിയ രണ്ടര വയസുള്ള കുട്ടിയോടും, അന്യ സംസ്ഥാന തൊഴിലാളികളായ മാതാപിതാക്കളോടും കരാറുകാരന്റെ ക്രൂരത; ഗുരുതരമായി പൊള്ളലേറ്റ കുട്ടിയെയും മാതാപിതാക്കളെയും ഒഴിവാക്കാൻ കരാറുകാരന് കയറ്റിവിട്ടത് പെട്ടി ഓട്ടോറിക്ഷയില് - രക്ഷകരായെത്തിയത് ബൈക്ക് യാത്രികർ
മൂവാറ്റുപുഴയിൽ അന്യസംസ്ഥാനത്തൊഴിലാളികളോടും കുട്ടിയോടും കരാറുകാരന്റെ കണ്ണില്ലാത്ത ക്രൂരത. ടാറില് വീണ് ഗുരുതരമായി പരിക്കേറ്റ രണ്ടര വയസുള്ള കുട്ടിയെ വിഗ്ദ ചികിത്സ നല്കാതെ ടാറിംഗിന് ഉപയോഗിക്കുന്ന പെട്ടി ഓട്ടോറിക്ഷയില് കയറ്റി വിട്ടായിരുന്നു ക്രൂരത കാണിച്ചത്. ഒടുവില് തൊഴിലാളികളുടെ ദയനീയത കണ്ണില്പ്പെട്ട ബൈക്ക് യാത്രികരാണ് അവര്ക്ക് വേണ്ട ചികിത്സ നല്കിയതും സംരക്ഷിച്ചതും.
ടാറിങ്ങ് സ്ഥലത്തെ ജോലിക്കാരായിരുന്ന അന്യ സംസ്ഥാന തൊഴിലാളികളുടെ കുട്ടിയോടാണ് കരാറുകാരന്റെ ക്രൂരത കാണിച്ചത്. ജോലിയ്ക്കിടെ തൊഴിലാളികളുടെ കൂടെയുണ്ടായിരുന്ന രണ്ടര വയസുള്ള ആണ് കുട്ടി അബദ്ധത്തില് ടാറില് ചവിട്ടുകയായിരുന്നു. സംഭവത്തില് കാലിന് ഗുരുതരമായി പൊള്ളലേറ്റ കുട്ടിയെ കരാറുകാരന് ടാറിംഗ് ജോലിയ്ക്ക് ഉപയോഗിക്കുന്ന പെട്ടി ഓട്ടോറിക്ഷയില് മാതാപിതാക്കള്ക്കൊപ്പം കയറ്റി വിട്ടു.
ഓടി കൊണ്ടിരിക്കുന്ന ഓട്ടോറിക്ഷയുടെ പിന്നില് അപകടകരമായ രീതിയില് ഇതരസംസ്ഥാന തൊഴിലാളികളെയും, കരയുന്ന കുട്ടിയേയും കണ്ട ബൈക്ക് യാത്രക്കാരനായ കോഴിപ്പിള്ളി സ്വദേശി കെഎം അഫ്സല് വാഹനം തടഞ്ഞുനിര്ത്തി. തുടര്ന്ന് ഓട്ടോ റിക്ഷ പരിശോധിച്ചപ്പോഴായിരുന്നു കുഞ്ഞിന്റെ ദയനീയ അവസ്ഥ ശ്രദ്ധയില്പ്പെട്ടത്. ഉടന് അഫ്സല് തന്റെ സുഹൃത്തുക്കളായ മുഹമ്മദ് സാലിഹിനെയും, എബിയേയും വിളിച്ച് വിവരം അറിയിക്കുകയും ഇവരുടെ സഹായത്തോടെ മൂവാറ്റുപുഴ ജനറല് ആശുപത്രിയില് എത്തിക്കുകയുമായിരുന്നു.
പരിശോധനയില് ഗുരുതരമായി പൊള്ളലേറ്റതിനാല് പ്രാഥമിക ചികിത്സ നല്കിയശേഷം ഡോക്ടര്മാര് വിദഗ്ദ്ധ ചികിത്സയ്ക്കായി നിര്ദ്ദേശിച്ചു. എന്നാല് എന്ത് ചെയ്യണമെന്നറിയാതെ പകച്ച് നിന്ന ഇവര്ക്ക് ആവശ്യമായ സാമ്ബത്തിക സഹായം ഒരുക്കി പെരുമ്ബാവൂര് വെങ്ങോലയിലുള്ള പൊള്ളല് ചികിത്സാ കേന്ദ്രത്തിലേയ്ക്ക് മാറ്റുകയായിരുന്നു. ഈ സമയം കരാറുകാരനെ വിളിക്കുന്നതിനായി പെട്ടി ഓട്ടോറിക്ഷ ഡ്രൈവറോട് ഫോണ് നമ്ബര് ചോദിച്ചെങ്കിലു നമ്ബര് നല്കരുതെന്നാണ് നിര്ദ്ദേശമെന്നും ഓട്ടോ ഡ്രൈവര് പറയുന്നു. കരാറുകാരനെ കണ്ടെത്താനുള്ള ശ്രമമാണ് ഇപ്പോള് നടക്കുന്നത്.
https://www.facebook.com/Malayalivartha
