കര്‍ഷകരെ മാനസിക സമ്മര്‍ദത്തിലാക്കുന്നത് ബാങ്കുകളെന്ന് കൃഷിമന്ത്രി വി.എസ്.സുനില്‍കുമാര്‍. ജപ്തി നടപടികള്‍ പാടില്ലെന്ന സര്‍ക്കാര്‍ നിര്‍ദേശവും ബാങ്കുകള്‍ പാലിക്കുന്നില്ല. ബാങ്കുകള്‍ ജപ്തി നടപടി അവസാനിപ്പിക്കണമെന്നും മന്ത്രി പറഞ്ഞു. ഇടുക്കിയില്‍ കര്‍ഷക ആത്മഹത്യകള്‍ വര്‍ധിച്ചിട്ടും ബാങ്കുകള്‍ ജപ്തി നടപടിയുമായി മുന്നോട്ടുപോകുന്ന പശ്ചാത്തലത്തിലാണ് മന്ത്രിയുടെ പ്രതികരണം.

ഇതുവരെ 10,000ഓളം കര്‍ഷകര്‍ക്കാണ് ജപ്തി നോട്ടീസ് നല്‍കിയത്. സര്‍ക്കാര്‍ നടപടി എടുക്കുന്നില്ലെന്നും ഇതു കര്‍ഷകരോടുള്ള അവഹേളനമാണെന്ന് കര്‍ഷക മോര്‍ച്ച ആരോപിച്ചിരുന്നു