കൊല്ലത്താണ് നാടിനെ നടുക്കി ആര്‍എസ്‌എസ്പ്രവര്‍ത്തകരുടെ ഗുണ്ടാ വിളയാട്ടം അരങ്ങേറിയത്. കൊല്ലം മനയില്‍കുളങ്ങരയില്‍ ഇന്നലെ രാത്രി 10.30 യോടെയാണ് സംഭവം. വീട്ടമ്മയെ ആക്രമിച്ച്‌ ഉടുവസ്ത്രം വലിച്ചു കീറി. തടയാന്‍ ശ്രമിച്ച ഭര്‍ത്താവിനേയും മക്കളേയും മാരാകായുധങ്ങള്‍ കൊണ്ടാക്രമിച്ച്‌ പരിക്കേല്‍പ്പിച്ചു. രഞ്ചുവിന്റെ വീട്ടിലെ വേലി വണ്ടി കൊണ്ടിടിച്ച്‌ പൊളിച്ചതിനെ ചോദ്യം ചെയ്തതിനെ തുടര്‍ന്നാണ് 9 പേര്‍ ഉള്‍പ്പെട്ട ആര്‍.എസ്സ് എസ്സ് പ്രവര്‍ത്തകര്‍ വീടുകയറി ആക്രമിച്ചത്. തടയാന്‍ ശ്രമിച്ച ശ്രീദേവിയെ ചവിട്ടി വീഴ്ത്തുകയും ഉടു വസ്ത്രം വലിച്ചു കീറുകയും ചെയ്തു. പട്ടീലുകൊണ്ടുള്ള ആക്രമണത്തില്‍ സിപിഐഎം പ്രവര്‍ത്തകനായ രഞ്ചുവിന് തലയ്ക്ക് ഗുരുതരമായി പരിക്കേറ്റു. മദ്യലഹരിയിലാണ് ആക്രമണം എന്ന് രഞ്ചു പറഞ്ഞു.രക്ഷിതാക്കളെ ആക്രമിക്കുന്നത് തടയാന്‍ ശ്രമിച്ച മക്കള്‍ രജിത്ത്, റെജിന്‍ എന്നിവരേയും ആക്രമിച്ചു. സംഭവത്തിൽ പോലീസ് അന്വേഷണം ആരംഭിച്ചിട്ടുണ്ട്.