സിപിഎമ്മിന് കൈകൊടുത്ത് കോണ്ഗ്രസ്; പെരിയയില് രണ്ട് യൂത്ത് കോണ്ഗ്രസ് പ്രവര്ത്തരെ നടുറോഡില് വെട്ടിക്കൊലപ്പെടുത്തിയിട്ട് ഒരുമാസം തികയുന്നതിന് മുന്പ് തന്നെ സിപിഎമ്മുമായി കോണ്ഗ്രസ് സഖ്യത്തിലേര്പ്പെടുന്നു
പെരിയയില് രണ്ട് യൂത്ത് കോണ്ഗ്രസ് പ്രവര്ത്തരെ നടുറോഡില് വെട്ടിക്കൊലപ്പെടുത്തിയിട്ട് ഒരുമാസം തികയുന്നതിന് മുന്പ് തന്നെ സിപിഎമ്മുമായി കോണ്ഗ്രസ് സഖ്യത്തിലേര്പ്പെടുന്നു. പെരിയയിലെ രക്തസാക്ഷികളെ പാര്ട്ടി മറന്നുവോ എന്നും ചോദ്യമുയരുന്നുണ്ട്. സംസ്ഥാനത്ത് യൂത്ത് കോണ്ഗ്രസ് പ്രവര്ത്തകരെ സിപിഎമ്മുകാര് കൊലചെയ്തതിന് ശേഷവും സിപിഎം സ്നേഹം ആവര്ത്തിച്ച് കെപിസിസി. രാഹുല് ഗാന്ധിയുടെ നേതൃത്വത്തില് രാജ്യത്ത് രൂപംകൊണ്ട പ്രതിപക്ഷ നിരയില് സിപിഎമ്മും ഉഫണ്ടാകുമെന്ന് കെപിസിസി അദ്ധ്യക്ഷന് മുല്ലപ്പള്ളി രാമചന്ദ്രന്. കോണ്ഗ്രസിന്റെ പ്രവര്ത്തന ഫണ്ട് പിരിക്കുന്നതിനായി തയ്യാറാക്കിയ പ്രത്യേകം ലഘുലേഖയിലാണ് ഇക്കാര്യം പറയുന്നത്.
രാജ്യത്തെ നയിക്കാന് രാഹുല് എന്ന തലക്കെട്ടോടെയാണ് കെപിസിസി അദ്ധ്യക്ഷന്റെ പേരിലുള്ള ലഘുലേഖ ആരംഭിക്കുന്നത്. ഇതില് പ്രതിപക്ഷ ഐക്യം എന്ന ഭാഗത്താണ് സിപിഎമ്മിനെ പറ്റി പരാമര്ശിക്കുന്നത്. ബിജെപിക്കെതിരെ രാഹുല് ഗാന്ധിയുടെ നേതൃത്വത്തില് ശക്തമായ മതേതര, ജനാധിപത്യ പ്രതിപക്ഷ നിര രൂപംകൊണ്ടുകഴിഞ്ഞു. ചന്ദ്രബാബു നായിഡു, ശരത് പവാര്, എംകെ സ്റ്റാലിന്, സീതാറാം യെച്ചൂരി, അഖിലേഷ് യാദവ്, ദേവഗൌഡ, ഒമര് അബ്ദുള്ള ഹര്ദ്ദിക് പട്ടേല്, ജിഗ്നേഷ് മേവാനി തുടിങ്ങിയ നേതാക്കള് പ്രതിപക്ഷ നിരയിലുണ്ടെന്നും കൂടുതല് പാര്ട്ടികളെയും നേതാക്കളെയും ഉടന് ഈ നിരയിലേക്ക് പ്രതീക്ഷിക്കാമെന്നും ലഘുലേഖയില് പറയുന്നു. യുവാക്കള് തന്നെ രാജ്യം ഭരിക്കണമെന്നും ലോകത്തിലെ തന്നെ ഏറ്റവും കൂടുതല് യുവജനങ്ങളുള്ള ഇന്ത്യയെ 48 വയസുകാരനായ രാഹുല് ഗാന്ധിയാണ് പ്രധാനമന്ത്രിയാവാന് അനുയോജ്യനെന്നും ഇതില് പറയുന്നുണ്ട്.
അതേസമയം, പെരിയയില് രണ്ട് യൂത്ത് കോണ്ഗ്രസ് പ്രവര്ത്തരെ നടുറോഡില് വെട്ടിക്കൊലപ്പെടുത്തിയിട്ട് ഒരുമാസം തികയുന്നതിന് മുന്പ് തന്നെ സിപിഎമ്മുമായി കോണ്ഗ്രസ് സഖ്യത്തിലേര്പ്പെടുന്നതിനെതിരെ രൂക്ഷമായ വിമര്ശനമാണ് ഉയരുന്നത്. പെരിയയിലെ രക്തസാക്ഷികളെ പാര്ട്ടി മറന്നുവോ എന്നും ചോദ്യമുയരുന്നുണ്ട്.
സിപിഎമ്മിന്റെ കൊലപാതകരാഷ്ട്രീയത്തെ പറ്റിയോ സംസ്ഥാന സര്ക്കാരിന്റെ ഭരണ പരാജയത്തെപ്പറ്റിയോ ശബരിമല വിഷയത്തെപ്പറ്റിയോ ലഘുലേഖയില് യാതൊരു പരാമര്ശവുമില്ലെന്നതും ശ്രദ്ധേയമാണ്.
https://www.facebook.com/Malayalivartha
