അടുത്ത അധ്യയനവര്ഷം മുതല് ഹൈസ്കൂള്, ഹയര് സെക്കന്ഡറി വിഭാഗങ്ങളില് ഏകീകൃത പരീക്ഷ നടത്താന് തീരുമാനം
അടുത്ത അധ്യയനവര്ഷം മുതല് ഹൈസ്കൂള്, ഹയര് സെക്കന്ഡറി വിഭാഗങ്ങളില് ഏകീകൃത പരീക്ഷ നടത്താന് തീരുമാനം. പൊതുവിദ്യാഭ്യാസ സെക്രട്ടറി എ. ഷാജഹാന്റെ അധ്യക്ഷതയില് ചേര്ന്ന ക്യു.െഎ.പി യോഗത്തിലാണ് തീരുമാനം. എസ്.എസ്.എല്.സി, ഹയര് സെക്കന്ഡറി വിഭാഗങ്ങളില് പാദ വാര്ഷിക പരീക്ഷ മുതല് വാര്ഷിക പരീക്ഷ വരെയുള്ളവ ഒരേസമയം നടത്തും. എസ്.എസ്.എല്.സി, ഹയര് സെക്കന്ഡറി പരീക്ഷകള് ഒരേസമയം രാവിലെ നടത്താന് നേരത്തെ ശിപാര്ശയുണ്ടായിരുന്നെങ്കിലും ഈ അധ്യയനവര്ഷം വേണ്ടെന്നുവെക്കുകയായിരുന്നു.
അടുത്ത അധ്യയനവര്ഷം ഇവ ഒന്നിച്ച് രാവിലെ നടത്തും. സ്കൂള് പ്രവര്ത്തിദിവസങ്ങള് 203 ആയി നിജപ്പെടുത്താനും ആറ് ശനിയാഴ്ചകള് പ്രവര്ത്തിദിവസമാക്കാനും തീരുമാനമായി. അടുത്ത അധ്യയനവര്ഷം പാദവാര്ഷിക പരീക്ഷ ആഗസ്റ്റ് 27 മുതല് സെപ്റ്റംബര് അഞ്ചുവരെ നടത്തും.
അര്ധവാര്ഷിക പരീക്ഷ ഡിസംബര് 11 മുതല് 20 വരെയാകും. ജനറല് കലണ്ടറിലുള്ള സ്കൂളുകള്ക്ക് ഒന്നുമുതല് ഒമ്പത് വരെ ക്ലാസുകളിലെ വാര്ഷികപരീക്ഷ മാര്ച്ച് നാല് മുതല് 11 വരെ നടത്തും.
https://www.facebook.com/Malayalivartha
