സംസ്ഥാന വനിത ശിശുവികസന വകുപ്പ് സംഘടിപ്പിക്കുന്ന അന്താരാഷ്ട്ര വനിതാദിനം സംസ്ഥാനതല ഉദ്ഘാടനവും ഐ.സി.ഡി.എസ്. പുരസ്കാര വിതരണവും മാര്ച്ച് 8 വെള്ളിയാഴ്ച വൈകുന്നേരം 3.00 മണിക്ക് തിരുവനന്തപുരം നിശാഗന്ധി ആഡിറ്റോറിയത്തില് വച്ച് മുഖ്യമന്ത്രി നിര്വഹിക്കും
സംസ്ഥാന വനിത ശിശുവികസന വകുപ്പ് സംഘടിപ്പിക്കുന്ന അന്താരാഷ്ട്ര വനിതാദിനം സംസ്ഥാനതല ഉദ്ഘാടനവും ഐ.സി.ഡി.എസ്. പുരസ്കാര വിതരണവും മാര്ച്ച് 8 വെള്ളിയാഴ്ച വൈകുന്നേരം 3.00 മണിക്ക് തിരുവനന്തപുരം നിശാഗന്ധി ആഡിറ്റോറിയത്തില് വച്ച് മുഖ്യമന്ത്രി പിണറായി വിജയന് നിര്വഹിക്കുന്നു. ആരോഗ്യ സാമൂഹ്യനീതി വനിത ശിശുവികസന വകുപ്പ് മന്ത്രി കെ.കെ. ശൈലജ ടീച്ചര് ചടങ്ങില് അധ്യക്ഷത വഹിക്കും.
ഐ.സി.ഡി.എസ്. പ്രവര്ത്തനങ്ങള്ക്ക് മികച്ച സഹകരണം നല്കിയ ജില്ലാ കളക്ടര്, പ്രവര്ത്തന മികവ് പുലര്ത്തിയ ഐ.സി.ഡി.എസ്. ഉദ്യോഗസ്ഥര്, അങ്കണവാടി പ്രവര്ത്തകര്, ജില്ലാ തലത്തില് മികച്ച അങ്കണവാടി തുടങ്ങിയവയ്ക്കുള്ള അവാര്ഡുകളാണ് വിതരണം ചെയ്യുന്നത്. അന്നേ ദിവസം രാവിലെ 9.30 മണി മുതല് വനിത ശിശുവികസന വകുപ്പിന്റെ നേതൃത്വത്തില് തിരുവനന്തപുരം വിമന്സ് കോളേജില് ശാസ്ത്രം കപടശാസ്ത്രം, സ്ത്രീയും രസതന്ത്രവും എന്ന വിഷയങ്ങളില് സെമിനാറും സംഘടിപ്പിക്കുന്നുണ്ട്. 'ചിന്തിക്കാം, സൃഷ്ടിക്കാം, സമഭാവനയുടെ നവകേരളം' എന്ന മുദ്രാവാക്യവുമായി സധൈര്യം മുന്നോട്ട് എന്ന ക്യാമ്പയിനിലൂടെ ഈ വര്ഷത്തെ അന്താരാഷ്ട്ര വനിതാദിന വാരാചരണം മാര്ച്ച് 1 മുതല് 8 വരെ നീണ്ടുനില്ക്കുന്ന വിവിധ പരിപാടികളോടെയാണ് ആചരിച്ചു വരുന്നത്. അന്താരാഷ്ട്ര വനിതാ വാരാചരണത്തിന്റെ സംസ്ഥാനതല ഉദ്ഘാടനം ഗവര്ണര് ജസ്റ്റിസ് (റിട്ട) പി. സദാശിവം മാര്ച്ച് ഒന്നിന് നിര്വഹിച്ചു.
വനിതാ വാരാചരണത്തിന്റെ ഭാഗമായി വനിത സംരംഭകരുടേയും നൂതന സംരഭകരുടേയും കൂട്ടായ്മ, ജെന്ഡര് ന്യൂട്രല് ഫുട്ബോള്, വനിത ചലച്ചിത്രോത്സവം, പോക്സോ, പോഷ് ആക്ടുകള് സംബന്ധിച്ച് സെമിനാര്, സധൈര്യം ക്യാമ്പയിനുമായി ബന്ധപ്പെട്ട് വകുപ്പിലെ ജീവനക്കാരുടേയും താമസക്കാരുടേയും വിവിധ കലാപരിപാടികള്, സ്വയരക്ഷ പരിശീലന പ്രകടനം, സ്ത്രീകളെ ആദരിക്കല് ചടങ്ങ് എന്നിവ കേരളത്തിന്റെ വിവിധ സ്ഥലങ്ങളില് വച്ച് സംഘടിപ്പിച്ചു.
വനിത വികസന കോര്പ്പറേഷന്, വനിത കമ്മീഷന്, കേരള സാമൂഹ്യ സുരക്ഷാമിഷന്, സോഷ്യല് വെല്ഫെയര് ബോര്ഡ്, ദേശീയ ആരോഗ്യമിഷന്, ആരോഗ്യവകുപ്പ് എന്നിവയുടെ സഹകരണത്തോടെയാണ് പരിപാടികള് സംഘടിപ്പിച്ചുവരുന്നത്
.
https://www.facebook.com/Malayalivartha
