തിരുവനന്തപുരം: മിസോറാം ഗവര്‍ണര്‍ സ്ഥാനം രാജിവെച്ച് തിരുവനന്തുരത്തേക്ക് വണ്ടികയറി കുമ്മനം രാജശേഖരനും കാസര്‍ഗോഡ് മത്സരിക്കില്ലെന്ന തീരുമാനവുമായി മാരാര്‍ജി ഭവന്റെ അധിപനായി കെ.സുരേന്ദ്രും എത്തുന്നതോടെ സംസ്ഥാനത്ത് ബി.ജെ.പിയ്ക്ക് പുത്തന്‍ ഉണര്‍വ്. ഏറെ വിജയസാധ്യത കല്‍പ്പിക്കുന്ന തിരുവനന്തപുരത്ത് കുമ്മനത്തിന്റെ വിജയത്തിനായി പ്രധാനമന്ത്രി നരേന്ദ്രമോദിയും ബി.ജെ.പി ദേശീയ അധ്യഷന്‍ അമിത്ഷായ്ക്കും പുറമേ ബി.ജെ.പിയുടെ മുന്‍നിര നേതാക്കളും കേന്ദ്ര മന്ത്രിസഭയിലെ പ്രധാനികളെല്ലവും പ്രചരണത്തിന് എത്തും. പ്രതിരോധമന്ത്രി നിര്‍മ്മലാ സീതാരാമനും സ്മൃതി ഇറാനിയും രാജ്‌നാഥ് സിംഗും വിവിധ ദിവസങ്ങളിലായി തലസ്ഥാനത്ത് എത്തും.

തിരുവനന്തപുരത്ത് എന്തുവില കൊടുത്തും വിജയിക്കണമെന്ന കര്‍ശന നിര്‍ദേശമാണ് സംസ്ഥാന നേതൃത്വത്തിന് അമിത്ഷാ നല്‍കിയിരിക്കുന്നത്. പ്രചരണത്തിനായി ആവശ്യമായതെന്തും ബി.ജെ.പി വാഗ്ദാനം നല്‍കിയിട്ടുണ്ട്. തലസ്ഥാനനഗരിയിലെ വോട്ടര്‍മാരുടെ ട്രെന്‍ഡ് അറിയാന്‍ ദില്ലിയിലും ബാം ൂരും മുബൈയിലുമായി പ്രവര്‍ത്തിക്കുന്ന സ്വകാര്യ ഏജന്‍സിയേയാണ് ചുമതലപ്പെടുത്തിയിരിക്കുന്നത്. ഇവര്‍ റിപ്പോര്‍ട്ട് നല്‍കുന്നത് അമിത്ഷായ്ക്ക് നേരിട്ടായിരിക്കും.

വികസനത്തില്‍ ഉപരി തിരുവനന്തപുരത്തെ വോട്ട്കച്ചവടമായിരിക്കും ബി.ജെ.പി പ്രധാന പ്രചരണായുധമാക്കുക. ബി.ജെ.പിയെ ജയിപ്പിക്കാതിരിക്കാന്‍ ക്രോസ് വോട്ട് ചെയ്യുമെന്നുള്ള ഇരുമുന്നണിയുടെയും അജന്‍ഡ വെളിച്ചത്തുകൊണ്ടുവരാനാണ് ദിവസങ്ങളായി തലസ്ഥാനനഗരിയില്‍ പ്രവര്‍ത്തിക്കുന്ന സ്വകാര്യ ഏജന്‍സി ബി.ജെ.പിക്ക് നല്‍കിയിരിക്കുന്ന നിര്‍ദേശം. യു.ഡി.എഫ് സ്ഥാനാര്‍ത്ഥി ശശി തരുരിനായി എല്‍്ഡി.എഫ് വോട്ട് മറിക്കാന്‍ രസഹ്യധാരണയായെന്നും ിതിനാണ് ?ം്എല്‍.എ ആയ സി.ദിവാകരനെ തിരുവനന്തപുരത്ത് നിര്‍ത്തിയിരിക്കുന്നതെന്നുമുള്ള പ്രചരണമാകും ബി.ജെ.പി നടത്തുക. പകരം തൃശൂരില്‍ രാജാജി മാത്യുവിനെ കോണഗ്രസ് സഹായിക്കുമെന്നുമുള്ള പ്രചരണം ബി.ജെ.പി കേന്ദ്രങ്ങള്‍ തുടങ്ങിക്കഴിഞ്ഞു. കഴിഞ്ഞതവണ വോട്ട് എണ്ണലിന്റെ അവസാനം വരെ മുന്നിട്ട്‌നിന്ന ഒ.രാജഗോപാല്‍ തീരദേശത്തെ വോട്ട് എണ്ണിയപ്പോഴാണ് പിന്നാക്കം പോയത്. അതുകൊണ്ടു തന്നെ ഇവിടങ്ങളില്‍ പ്രത്യേക ശ്രദ്ധ നല്‍കാനായി കോര്‍ഗ്രൂപ്പിനെയും ബി.ജെ.പി രംഗത്ത് ഇറക്കും.