ലോക്‌സഭാ തിരഞ്ഞെടുപ്പില്‍ സംസ്ഥാനത്ത് ബിജെപി ഏറ്റവും കൂടുതല്‍ വിജയ സാധ്യത കല്‍പ്പിക്കപ്പെടുന്നത് തിരുവനന്തപുരം മണ്ഡലത്തിലാണ്. ഇവിടെ മുന്‍ സംസ്ഥാന ബിജെപി അധ്യക്ഷന്‍ കുമ്മനം രാജശേഖരന്‍ തന്നെ സ്ഥാനാര്‍ത്ഥിയാകുമെന്ന കാര്യത്തിലും തീരുമാനം ആയി കഴിഞ്ഞു. അതിനുവേണ്ടി തന്നെയാണ് മിസോറാം ഗവര്‍ണ്ണര്‍ സ്ഥാനം കുമ്മനം രാജശേഖരന്‍ രാജിവെച്ചത്. കുമ്മനം തിരുവനന്തപുരത്ത് സ്ഥാനാര്‍ത്ഥിയാകുന്നതിനെ ജയിക്കുന്നതിനു തുല്യമാണെന്നാണ് ബിജെപ്പിയുടെ കണക്കു കൂട്ടല്‍ അതുകൊണ്ടുതന്നെ വലിയ പ്രതീക്ഷയിലാണ് ബിജെപി ക്യാമ്പുകള്‍

തിരുവനന്തപുരത്ത് സ്ഥാനാര്‍ത്ഥിയായി കുമ്മനം രാജശേഖരനെ ഉടന്‍തന്നെ ബിജെപി പ്രഖ്യാക്കും. അതേസമയം തിരുവനന്തപുരത്ത് കുമ്മനത്തിനുള്ള വെല്ലുവിളി ശശീത്തരൂരാണ്. കുമ്മനം വന്നാലും ബിജെപി വിജയിക്കാന്‍ കഴിയെല്ലെന്നാണ് കോണ്‍ഗ്രസ് സ്ഥാനാര്‍ത്ഥിയായി പ്രതീക്ഷിക്കപ്പെടുന്ന ശശി തരൂര്‍ വ്യക്തമാക്കുന്നത്.

കുമ്മനത്തിന്റെ വരവ് എന്തായാലും എതിര്‍ സ്ഥാനാര്‍ത്ഥികളില്‍ ഭയമുണ്ടാക്കുന്നുണ്ട് എന്ന കാര്യത്തില്‍ ഒരു സംശയവുമില്ല. പ്രത്യേകിച്ചും ഈ രാഷ്ട്രീയ സാഹചര്യത്തില്‍. എന്നാല്‍ തിരുവനന്തപുരത്ത് ബിജെപി സ്ഥാനാര്‍ത്ഥിയായി കുമ്മനം രാജശേഖരന്‍ എത്തുമെന്ന വാര്‍ത്തയെ എങ്ങനെ കാണുന്നു എന്ന് കോണ്‍ഗ്രസ് എംപിയും തിരുവനന്തപുരത്ത് യുഡിഎഫ് ഏറ്റവും കൂടുതല്‍ സാധ്യത കല്‍പ്പിക്കുന്ന സ്ഥാനാര്‍ത്ഥിയുമായ ശശി തരൂരിനോട് ചോദിച്ചപ്പോള്‍ ഉത്തരം ഇങ്ങനെയായിരുന്നു

കുമ്മനം തനിക്ക് വലിയ എതിരാളിയല്ലെന്നും വ്യക്തിപ്രഭാവം നോക്കിയല്ല ജനങ്ങള്‍ വോട്ട് ചെയ്യുന്നതെന്നത്. കേന്ദ്രസര്‍ക്കാര്‍ ഭരണത്തിനെതിരായ ജനവികാരം തെരഞ്ഞെടുപ്പില്‍ പ്രതിഫലിക്കും

എന്തായാലും ഈ ഉത്തരം ബിജെപ്പി ക്യാമ്പുകളുടെ ആത്മവിശ്വാസം കെടുത്താന്‍ കാരണമാകുന്നതല്ല. എന്നാലും കോണ്‍ഗ്രസും വലിയ പ്രതീക്ഷയിലാണ്

അതേസമയം സാക്ഷാല്‍ പ്രധാനമന്ത്രി നരന്ദ്രമോദി തിരുവനന്തപുരത്തേക്ക് മത്സരിക്കാന്‍ എത്തുമെന്നാായിരുന്നു അദ്യമുള്ള പ്രചരണം. എന്നാല്‍ മോദിയല്ല ആര് വന്നാലും പേടിയില്ല. താന്‍ ഉയര്‍ത്തി കാട്ടുന്നത് സ്വന്തം പ്രവര്‍ത്തനമാണന്നായിരുന്നു ശശി തരൂര്‍ വാദം

അതേസമയം കുമ്മനത്തെ നല്ല മതിപ്പാണ് ശശീ തരൂരിന്. കുമ്മനത്ത പറ്റിയും തരൂരിന് പറയാനുണ്ട് ചിലത് കുമ്മനം രാജശേഖരനുമായി അടുപ്പം ഇല്ലെങ്കിലും അറിയുന്നടത്തോളം നല്ല മനുഷ്യനാണെന്നാണ് തരൂര്‍ പറഞ്ഞത്. മുന്‍ ഗവറണറും മുന്‍ മന്ത്രിയുമാണ് എതിര്‍ സ്ഥാനര്‍ഥികളെന്നു. അവരുടെ വ്യക്തി പരമായ കാര്യങ്ങള്‍ പരാമര്‍ശിക്കാന്‍ താനില്ലെന്നും ശശിതരൂര്‍ പറഞ്ഞു

അതേസമയം കുമ്മനം രാജശേഖരന്‍ മത്സരിക്കുന്നതിലെ പ്രതീക്ഷ ബിജെപി നേതാക്കളും പങ്കുവയ്ക്കുന്നുണ്ട്. തിരുവനന്തപുരത്ത് ശശി തരൂരിനെ തോല്‍പ്പിച്ചിരിക്കുമെന്ന അവകാശവാദമാണ് ബിജെപി നേതാവ് വി മുരളീധരന്‍ മുന്നോട്ടു വയ്ക്കുന്നത്. അത്രമേല്‍ പ്രതീക്ഷയാണ് അവര്‍ക്ക്. തിരുവനന്തപുരത്ത് ബി.ജ.പി നിര്‍ത്താവുന്ന ഏറ്റവും കരുത്തനായ സ്ഥാനാര്‍ത്ഥിയാണ് കുമ്മനം രാജശേഖരനെന്നും അദ്ദേഹം അഭിപ്രായപ്പെടുന്നുണ്ട്.

ശശി തരൂരിനോട് ശക്തമായ മത്സരം കാഴ്ച്ചവെക്കാന്‍ കുമ്മനം തന്നെ വേണമെന്നാണ് പാര്‍ട്ടി പ്രവര്‍ത്തകരുടേയും ആവശ്യം. എന്നാല്‍, കുമ്മനത്തിന്റെ മടങ്ങിവരവിനു മുഖ്യ തടസ്സം ഗവര്‍ണര്‍ സ്ഥാനമായിരുന്നു. അതും ഇപ്പോള്‍ അണികള്‍ക്കായി കുമ്മനം അഴിച്ചുവച്ചിരിക്കുകയാണ്.

ഏറ്റവും നിര്‍ണ്ണായകവും അനുകൂലവുമായ രാഷ്ട്രീയ സാഹചര്യമായതിനാലാണ് കുമ്മനത്തെ ആര്‍എസ്എസ് സംസ്ഥാന രാഷ്ട്രീയത്തിലേക്ക് തിരിച്ചു വിളിക്കുച്ചിരിക്കുന്നത്. ഇതോടെ തിരുവനന്തപുരത്തെ സ്ഥാനാര്‍ത്ഥികളുടെ കാര്യത്തില്‍ എല്ലാം പാര്‍ട്ടികള്‍ക്കിടയിലും ധാരണയായി. സിപിഐയിലെ സി ദിവാകരനാണ് ഇടതുമുന്നണി സ്ഥാനാര്‍ത്ഥി. ശശി തരൂര്‍ തന്നെ കോണ്‍ഗ്രസ് സ്ഥാനാര്‍ത്ഥിയായേക്കും. ഇവര്‍ക്ക് വെല്ലുവിളിയായി കുമ്മനം ജിയും.