ആ വെള്ളം മാറ്റി വെച്ചേക്കൂ; എംടി വിജയിച്ചു: രണ്ടാമൂഴം കേസില് ശ്രീകുമാര് മേനോന് തിരിച്ചടി
മലയാള സിനിമ ഉറ്റുനോക്കിയ സിനിമയാണ് രണ്ടാമൂഴം. എംടിയുടെ തിരക്കഥയില് ആയിരം കോടി ബജറ്റില് ഒരുങ്ങാനിരുന്ന സിനിമ ഇനി ഉടനെ ഉണ്ടാകില്ലെന്നാണ് സൂചന. എംടി വാസുദേവന് നായരുടെ രണ്ടാമൂഴം തിരക്കഥ ഉപയോഗിക്കുന്നത് തടഞ്ഞ കോടതി വിധി റദ്ദാക്കണമെന്ന് ആവശ്യപ്പെട്ട് സംവിധായകന് ശ്രീകുമാര് മേനോന് നല്കിയ ഹര്ജി കോടതി തള്ളിയതോടെയാണ് സിനിമ ശ്രീകുമാര് മേനോന് ചെയ്യില്ലെന്ന് തീരുമാനമായത്. കേസ് തീര്ക്കാന് ജഡ്ജിയുടെ മധ്യസ്ഥന് വേണമെന്ന സംവിധായകന്റെ ആവശ്യം റദ്ദാക്കണമെന്നുള്ള എംടിയുടെ ആവശ്യം അംഗീകരിച്ചാണ് ഫാസ്റ്റ് ട്രാക്ക് കോടതിയുടെ ഉത്തരവ്.
ഇതോടെ രണ്ടാമൂഴത്തിന്റെ തിരക്കഥ ഉപയോഗിക്കരുതെന്ന കോഴിക്കോട് അഡീഷണല് മുന്സിഫ് കോടതിയുടെ ഉത്തരവ് നില നില്ക്കും. തടഞ്ഞിരുന്നു. സിനിമയ്ക്കായി ഉണ്ടാക്കിയ കരാര് കാലാവധി കഴിഞ്ഞിട്ടും ചിത്രീകരണം തുടങ്ങാത്തതിനാലാണ് ശ്രീകുമാര് മേനോനെ എതിര്കക്ഷിയാക്കി എംടി വാസുദേവന് നായര് കോടതിയെ സമീപിച്ചത്.
എംടിയുടെ രണ്ടാമുഴം എന്ന പുസ്തകത്തെ ആസ്പദമാക്കി തയ്യറാക്കുന്ന ചിത്രത്തിന്റെ മലയാളത്തിലും ഇംഗ്ലീഷിലും തിരകഥ എഴുതി നല്കിയിട്ട് മൂന്ന് വര്ഷം പിന്നിട്ടിട്ടും സിനിമയുടെ പ്രാഥമിക നടപടികള് പോലും പൂര്ത്തിയാക്കില്ലെന്ന ആരോപിച്ചാണ് കഥാകൃത്ത് കോഴിക്കോട് ഒന്നാം അഡീഷനല് മുന്സിഫ് കോടതി സമീപിച്ചത്. തിരക്കഥ തിരികെ വേണമെന്നും ഇതിനായി തനിക്ക് തന്ന തുക തിരിക നല്കാമെന്നും എംടി നല്കിയ സിവില് ഹര്ജിയില് വ്യക്തമാക്കിയിരുന്നു. പരാതി അംഗീകരിച്ച കോടതി തിരകഥ ഉപയോഗിച്ച് സിനിമ തുടങ്ങുന്നതില് നിന്ന് സംവിധായകനെയും നിര്മാതാവിനെയും വിലക്കുകയായിരുന്നു.
കഴിഞ്ഞ വര്ഷം ഒക്ടോബര് 11 നാണ് സംവിധായകന് ശ്രീകുമാര് മേനോന് , എര്ത്ത് ആന്ഡ് എയര്ഫിലിം നിര്മാണ കമ്പനി എന്നിവരെ എതിര്?കക്ഷികളാക്കി എംടി കോഴിക്കോട്ടെ മുന്സിഫ് കോടതിയില് പരാതി നല്കിയത്. 2014ലാണ് സിനിമക്കായി മൂന്നു വര്ഷത്തേക്ക്? കരാര് ഒപ്പിട്ടത്. എന്നാല് ഇതുവരെ ചിത്രീകരണം ആരംഭിച്ചില്ലെന്നും അദ്ദേഹം പരാതിയില് ആരോപിച്ചിരുന്നു. എന്നാല് ചില തെറ്റിദ്ധാരണകളാണ് പരാതിക്ക് പിന്നിലെന്നായിരുന്നു സംവിധായകന് ശ്രീകുമാര് മേനോന്റെ പ്രതികരണം. ഇത് ചര്ച്ചയിലൂടെ പരിഹരിക്കുമെന്നും അദ്ദേഹം വ്യക്തമാക്കിയിരുന്നു. ഇതിന് പിറകെയാണ് കേസ് തീര്പ്പാക്കാന് മധ്യസ്ഥനെ നിയോഗിക്കണമെന്ന ആവശ്യവുമായി ശ്രീകുമാര് മേനോല് കോടതിയിലെത്തിയത്.
https://www.facebook.com/Malayalivartha
