ഇടതുപക്ഷം വിജയമുറപ്പിച്ച സീറ്റ് പാട്ടും പാടി രമ്യ ഹരിദാസ് നേടും ? സൈബര് പോരാളികള് തൊട്ടതെല്ലാം യു.ഡി.എഫ്. സ്ഥാനാര്ഥി രമ്യ ഹരിദാസിന് അനുകൂലമായ വിവാദത്തിലെത്തിയതോടെ, സാമൂഹിക മാധ്യമങ്ങളിലൂടെയുള്ള യുദ്ധത്തിനു സി.പി.എം. കടിഞ്ഞാണിടുന്നു
ഇടതുപക്ഷം വിജയമുറപ്പിച്ച സീറ്റ് പാട്ടും പാടി രമ്യ ഹരിദാസ് നേടും ? സൈബര് പോരാളികള് തൊട്ടതെല്ലാം രമ്യയ്ക്ക് അനുകൂലം, ദീപാ നിശാന്ത് തുടങ്ങിയ നവമാധ്യമ പോരാട്ടം സി.പി.എം. അവസാനിപ്പിക്കുന്ന സംസ്ഥാനമാകെ, രമ്യയുടെ വിജയം ആഗ്രഹിക്കുന്നവരുടെ എണ്ണം കൂടി. രമ്യയ്ക്കു വോട്ട് അഭ്യര്ഥിക്കുന്ന പോസ്റ്ററുകള്ക്ക് മുകളില് സി.പി.എം. സ്ഥാനാര്ഥിയായ പി.കെ. ബിജുവിന്റെ പോസ്റ്ററുകള് പതിച്ചതിന്റെ ദൃശ്യങ്ങളും നവമാധ്യമങ്ങളില് നിറഞ്ഞു. 'സ്ക്രാച്ച് ആന്ഡ് വിന്' പരാമര്ശം ഉയര്ത്തി യു.ഡി.എഫ്. അതും അനുകൂലമാക്കി.
സൈബര് പോരാളികള് തൊട്ടതെല്ലാം യു.ഡി.എഫ്. സ്ഥാനാര്ഥി രമ്യ ഹരിദാസിന് അനുകൂലമായ വിവാദത്തിലെത്തിയതോടെ, സാമൂഹിക മാധ്യമങ്ങളിലൂടെയുള്ള യുദ്ധത്തിനു സി.പി.എം. കടിഞ്ഞാണിടുന്നു. പചാരണത്തിന്റെ ആദ്യഘട്ടത്തില് നേടിയെടുത്ത മേല്ക്കൈ, വിവാദങ്ങളില് തട്ടിവീണു. പാര്ട്ടിയാകെ പ്രതിരോധത്തിലായി. വിജയമുറപ്പിച്ച സീറ്റില് രമ്യയ്ക്കു വാര്ത്താ മാധ്യമങ്ങളിലും നവമാധ്യമങ്ങളിലും ഇതുവരെയില്ലാത്ത സ്വീകാര്യത കിട്ടിയതോടെയാണു സി.പി.എം. ഇടപെടുന്നത്. ഇന്റര്നെറ്റിലൂടെ ചര്ച്ച കൊഴുപ്പിക്കേണ്ടെന്നാണു നിര്ദേശം.
പാട്ടുപാടി വോട്ട് പിടിച്ചതിനെ രൂക്ഷമായി വിമര്ശിച്ച് തൃശൂര് കേരളവര്മ്മ കോളജിലെ അധ്യാപിക ദീപ നിശാന്ത് ഇട്ട ഫെയ്സ്ബുക്ക് പോസ്റ്റ് രമ്യയ്ക്കു നല്കിയ പ്രശസ്തി ചില്ലറയല്ല.
എല്.ഡി.എഫ്. കണ്വീനര് എ. വിജയരാഘവന് നടത്തിയ പരാമര്ശവും നവമാധ്യമങ്ങളില് വലിയ വിമര്ശനത്തിന് ഇടയാക്കി. സംസ്ഥാനമാകെ, രമ്യയുടെ വിജയം ആഗ്രഹിക്കുന്നവരുടെ എണ്ണം കൂടി. രമ്യയ്ക്കു വോട്ട് അഭ്യര്ഥിക്കുന്ന പോസ്റ്ററുകള്ക്ക് മുകളില് സി.പി.എം. സ്ഥാനാര്ഥിയായ പി.കെ. ബിജുവിന്റെ പോസ്റ്ററുകള് പതിച്ചതിന്റെ ദൃശ്യങ്ങളും നവമാധ്യമങ്ങളില് നിറഞ്ഞു. 'സ്ക്രാച്ച് ആന്ഡ് വിന്' പരാമര്ശം ഉയര്ത്തി യു.ഡി.എഫ്. അതും അനുകൂലമാക്കി.
സ്ഥാനാര്ഥിയായി പ്രഖ്യാപിക്കപ്പെട്ട്, പാലക്കാട്ട് വണ്ടിയിറങ്ങും മുമ്പുതന്നെ പാട്ടും ചിന്തയും ഇടകലര്ത്തിയുള്ള രമ്യയുടെ പ്രസംഗങ്ങള് നവമാധ്യമങ്ങളില് വൈറലായിരുന്നു.
മാസ് എന്ട്രിയുടെ തുടര്ച്ചയായുണ്ടായ വിവാദങ്ങള് കൂടിയായതോടെ രമ്യ കളംനിറഞ്ഞു. ഈ സ്ഥിതി തുടരുന്നതില് സി.പി.എം. നേതൃത്വത്തിന് ആശങ്കയുണ്ട്. അതൊഴിവാക്കാനാണ് ആലത്തൂര് വിഷയത്തില് നവമാധ്യമ ചര്ച്ചകളില് കൂടുതല് ഇടപെട്ട് വഷളാക്കേണ്ടെന്ന തീരുമാനം.
https://www.facebook.com/Malayalivartha
