രാഹുല്ജീയെ വിളിച്ച് കേരളം... തെരഞ്ഞെടുപ്പ് അടുത്തിരിക്കെ രാഹുല്ഗാന്ധിയുടെ വരവേല്പ്പിനായി കാതോര്ത്ത് കേരളം; കേന്ദ്ര സര്ക്കാരില് നിന്നും രൂക്ഷമായ അവഗണന മാറണമെങ്കില് രാഹുല് വരണമെന്ന് ജനങ്ങള്
യുപിഎ കേന്ദ്രത്തില് അധികാരത്തില് വരികയും രാഹുല് ഗാന്ധി പ്രധാനമന്ത്രിയാവുകയും ചെയ്താല് റയില്വേ ഉള്പ്പെടെയുള്ള അടിസ്ഥാന സൗകര്യങ്ങളുടെ വികസനത്തില് കേരളം ഇന്നേ വരെ അനുഭവിച്ചിരുന്ന ശനിദശക്ക് മാറ്റം വരുമെന്ന് ഒരു കൂട്ടം ജനങ്ങളുടെ അഭിപ്രായം.
കേന്ദ്ര സര്ക്കാരില് നിന്നും ഏറ്റവും രൂക്ഷമായ അവഗണന അനുഭവപ്പെടുന്ന സംസ്ഥാനങ്ങളില് ഒന്നാം സ്ഥാനത്താണ് കേരളം. കേന്ദ്രത്തില് കോണ്ഗ്രസും ബിജെപിയും മൂന്നാം മുന്നണിയുമൊക്കെ ഭരിച്ചപ്പോഴും ഇതു തന്നെയായിരുന്നു അവസ്ഥ. മന്മോഹന് മന്ത്രിസഭയില് മലയാളി കേന്ദ്ര മന്ത്രിമാര് നിരവധി ഉണ്ടായിരുന്നിട്ടും കേരളത്തിന് കഞ്ഞി കുമ്പിളില് തന്നെയാണ് കിട്ടിയത്. പാലക്കാട് കോച്ച് ഫാക്ടറി പോലുള്ള മനോഹരമായ സ്വപ്നങ്ങള് ഇന്നും സ്വപ്നങ്ങളായി തുടരുന്നു. ഇതിന് പ്രധാന കാരണം പ്രധാനമന്ത്രിയുടെ മണ്ഡലം വടക്കേയിന്ത്യയിലാണ് എന്നതായിരുന്നു . ഭാരതം ഭരിക്കുന്ന പാര്ട്ടിയുടെ അധ്യക്ഷനും സാധാരണ ഗതിയില് വടക്കേയിന്ത്യക്കാരായിരിക്കും.
റെയില്വേയാണ് എക്കാലവും അവഗണിക്കപ്പെട്ട മേഖല. കേരളത്തിലെ യാത്രക്കാര് കൃത്യമായി ടിക്കറ്റ് എടുത്ത് യാത്ര ചെയ്തിട്ടും അതിന്റെ ദയ റയില്വേ അധികൃതരുടെ ഭാഗത്ത് നിന്നും ഇതുവരെ ഉണ്ടായിട്ടില്ല. നല്ല കോച്ചുകള് കേരളത്തിലേക്ക് അയക്കാറില്ല. പുതിയ റയില്വേ ഡിവിഷന് എന്ന ആവശ്യം പോലും കേന്ദ്ര സര്ക്കാര് അംഗീകരിച്ചിട്ടില്ല.ഒ. രാജഗോപാല് കേന്ദ്ര മന്ത്രിയായിരുന്ന കാലത്ത് മാത്രമാണ് കേരളത്തില് ഒരു പരിധി വരെയെങ്കിലും റയില്വേ വികസനം നടന്നത്.
ഉന്നത വിദ്യാഭ്യാസ മേഖലയിലും ഇതു തന്നെയാണ് അവസ്ഥ. കേരളത്തിന് ഒരു ഐ ഐ ടി. എന്നതും സ്വപ്നമായി അവശേഷിക്കുന്നു. തിരുവനന്തപുരത്ത് മത്സരിക്കന്ന ശശി തരൂര് കേന്ദ്രത്തില് മാനവശേഷി വികസന മന്ത്രിയായിരുന്നു. എന്നിട്ടും ഒരു വിദ്യാഭ്യാസ സ്ഥാപനം പോലും തലസ്ഥാനത്ത് കൊണ്ടുവരാന് അദ്ദേഹത്തിന് കഴിഞ്ഞില്ല. പി.സി.തോമസും അല്ഫോന്സ് കണ്ണന്താനവും ബി ജെ പി മന്ത്രിസഭയില് അംഗമായിരുന്നിട്ടും ഇത് തന്നെയായിരുന്നു അവസ്ഥ.
കേന്ദ്രത്തില് അധികാരത്തില് വന്ന ഒരു സര്ക്കാരുകളും കേരളത്തോട് നീതി പുലര്ത്തിയിട്ടില്ല. കേരളത്തില് നിന്നും മന്ത്രിമാര് ഉണ്ടായാലും കേരളത്തിന്റെ കാര്യം പറയുകയെ വേണ്ട. ഇതാണ് സ്ഥിതിവിശേഷം. രാഹുല് ഗാന്ധി കേരളത്തിലെത്തുമ്പോള് ഇതിലൊരു മാറ്റം തീര്ച്ചയായും സംഭവിക്കും.
സ്വാഭാവികമായും ഒരു ചോദ്യം ഉയരാം. രാഹുല് ഗാന്ധി വയനാട്ടില് നിന്നും രാജിവച്ചാല് എന്തു ചെയ്യും. അമേഠി തന്നെയായിരിക്കും രാഹുല് നിലനിര്ത്താന് ശ്രമിക്കുക. എന്നാലും വയനാട് അദ്ദേഹം കൈവിടാന് സാധ്യതയില്ല. വയനാട്ടില് നിന്നായിരിക്കും അദ്ദേഹം ഏറ്റവുമധികം ഭൂരിപക്ഷം നേടാന് സാധ്യത. വയനാട് രാഹുല് വിട്ടാല് ഉപതെരഞ്ഞെടുപ്പിന് സാധ്യത തെളിയും. അപ്പോള് പ്രിയങ്ക അവിടെ മത്സരിക്കില്ലെന്ന് തീര്ത്ത് പറയാനാവില്ല. രാഹുല് വയനാട്ടിലെത്തിയപ്പോള് പ്രിയങ്ക ഒപ്പമുണ്ടായിരിക്കുകയും ചെയ്തു.
കേരളം മിടുക്കിന്റെ സംസ്ഥാനമാണ്. വിദ്യാഭ്യാസത്തിലും സംസ്കാരത്തിലും ഉന്നത നിലവാരം പുലര്ത്തുന്ന കേരളത്തെ ഇന്ത്യാ മഹാരാജ്യം ഇതു വരെ തള്ളികളയുകയാണ് ചെയ്തത്. ആ സാഹചര്യത്തില് നിന്നും ഒരു മാറ്റമാണ് കേരളം ആഗ്രഹിക്കുന്നത്. വികസനത്തില് ഏറെ പിന്നാക്കം നില്ക്കുന്ന ജില്ലയാണ് വയനാട്. കേരളത്തില് മഹാ പ്രളയമുണ്ടായപ്പോള് വയനാട് ഒറ്റപ്പെട്ടിരുന്നു. മികച്ച റോഡുകളും ഉന്നത നിലവാരം പുലര്ത്തുന്ന സ്ഥാപനങ്ങളുമില്ല. അങ്ങനെയുള്ളൊരു പിന്നാക്ക ജില്ല കാത്തിരിക്കുന്നത് രാഹുലിനെ പോലൊരു നേതാവിനെ തന്നെയാണ്.
https://www.facebook.com/Malayalivartha
