തൊടുപുഴയില് ഏഴു വയസുകാരനെ ക്രൂരമായി മര്ദിച്ച കേസില് കുട്ടിയുടെ അമ്മയെ മാപ്പുസാക്ഷിയാക്കാന് നിയമോപദേശം
പ്രതി അരുണ് ആനന്ദിനെതിരെ പോക്സോ ചുമത്തി. ഇളയകുട്ടിയെ മര്ദ്ദിച്ചതിനെതിരെ പ്രത്യേക കേസെടുക്കുന്നതും പരിഗണനയിലാണ്. ക്രൂരമായ മര്ദ്ദിച്ചതിന് പുറമേ ഏഴ് വയസ്സുകാരനെ അരുണ് പല തവണ ലൈംഗിക അതിക്രമത്തിനും ഇരയാക്കിയെന്ന് കണ്ടെത്തിയിരുന്നു. അതേസമയം സംഭവത്തില് മറ്റു സാക്ഷികള് ഇല്ലാത്തതിനാല് ഇവരെ മാപ്പുസാക്ഷിയാക്കി മുഖ്യപ്രതി അരുണ് ആനന്ദിനെ കുടുക്കാമെന്നാണ് നിയമോപദേശം.
യുവതിയെയും പ്രതിയാക്കിയാല് പ്രോസിക്യൂഷന് ഭാഗം ദുര്ബലമാകും. അത് അരുണിനു രക്ഷപ്പെടാന് സൗകര്യമാകും. മകനെ ഉപദ്രവിച്ചയാള്ക്കു പരമാവധി ശിക്ഷ വാങ്ങിക്കൊടുക്കുന്നതില് അമ്മ തടസം നില്ക്കില്ലെന്നാണു പോലീസിന്റെ നിഗമനം. അവരെ കോടതി മുമ്ബാകെ ഹാജരാക്കി 164-ാം വകുപ്പ് പ്രകാരം രഹസ്യമൊഴിയെടുപ്പിക്കാനാണ് പോലീസ് ഉദ്ദേശിക്കുന്നത്.
ഇതോടെ കേസില് ഒരു പ്രതി മാത്രമാകുമെന്നും പരമാവധി ശിക്ഷ അരുണിന് വാങ്ങിക്കൊടുക്കാനാകുമെന്നും പോലീസ് കണക്കുകൂട്ടുന്നു. മര്ദ്ദന വിവരം മറച്ചുവച്ചതിനും മര്ദ്ദനത്തിനു കൂട്ടുനിന്നതിലും യുവതിക്കെതിരേ കേസെടുക്കാന് പോലീസ് ആദ്യം ആലോചിച്ചിരുന്നു. സംഭവത്തില് കുട്ടിയുടെ അമ്മയും അനുജനും അല്ലാതെ മറ്റു ദൃക്സാക്ഷികളില്ല. ഇളയ കുട്ടിക്ക് പ്രായം അഞ്ചുവയസു മാത്രമായതിനാല് വിചാരണഘട്ടത്തില് മൊഴി പൂര്ണമായും സ്വീകരിക്കാന് തടസമുണ്ട്. ഇതു മുഖ്യപ്രതിക്കു രക്ഷപെടാന് പഴുതാകുമെന്നാണു വിലയിരുത്തല്. അരുണിനെതിരേ ഐ.പി.സി. 302-ാം വകുപ്പാണു ചുമത്തിയിരിക്കുന്നത്.
കുട്ടിയെ ദ്രോഹിക്കാന് അമ്മ കൂട്ടു നിന്നുവെന്നു പറയാനാവില്ലെന്നും വാദിക്കാനാവും. കുട്ടിയെ ദ്രോഹിക്കുന്നതു പലപ്പോഴും താന് തടഞ്ഞതായാണ് ഇവരുടെ മൊഴി. അവര്ക്കും ഇയാളില് നിന്നു മര്ദനമേറ്റിട്ടുണ്ട്.
ഒടുവില് കുട്ടിയെ ക്രൂരമായി മര്ദിക്കുന്ന സമയത്തും ഇവര് തടയാന് ശ്രമിച്ചിരുന്നു. തന്നെയും കുട്ടികളെയും ഇയാള് ക്രൂരമായി മര്ദ്ദിക്കാറുണ്ടെന്നാണു യുവതിയുടെ മൊഴി. ആദ്യമുണ്ടായ കാര്യങ്ങള് പോലീസിനോട് പറയാതിരുന്നത് അരുണിനെ ഭയന്നാണെന്നും ഇയാള് മാരകമായി ഉപദ്രവിക്കാറുണ്ടെന്നും തുറന്ന് പറയാന് ഭയമായിരുന്നെന്നും യുവതി പറയുന്നു.
ഇവരുടെ മുഖത്തും കണ്ണിലും അടി കൊണ്ട് നീര് വന്ന് വീര്ത്ത പാടുകളുണ്ട്. കുട്ടിയെ സംഭവദിവസം രാത്രി ഇയാള് താഴെയിട്ട് പല തവണ ചവിട്ടി അലമാരയ്ക്കുള്ളില് വച്ച് ഞെരിച്ചു വെന്നും അമ്മ തന്നെ പറയുന്നതു മാപ്പുസാക്ഷിയാക്കാന് മതിയായ കാരണങ്ങളാണെന്നു പോലീസ് കരുതുന്നു.
https://www.facebook.com/Malayalivartha
