ഈ വഴിയെ എന്ന ആൽബത്തിനു വേണ്ടി ഹരിചരൺ പാടിയ ജാലക വാതിലുകൾ എന്ന പ്രണയ ഗാനം ഹിറ്റ് ചാർട്ടിലേയ്ക്ക്. യൂ ടൂബിൽ റിലീസ് ചെയ്ത ഗാനം യുവാക്കൾ ഏറ്റെടുത്തു കഴിഞ്ഞു. മാധ്യമ പ്രവർത്തകൻ ആർ ബിനോയ് കൃഷ്ണൻ രചന നിർവഹിച്ച ഗാനത്തിന് ഈണമിട്ടിരിക്കുന്നത് പ്രവാസി മലയാളിയായ കെ ബി ശ്രീജിത്താണ്.

പ്രണയത്തിന്റെ തീവ്രത ഓരോ വ്യക്തിയിലും ഓരോ രീതിയിലായിരിക്കും. ചിലർ പരസ്യമായി ആ പ്രണയം പ്രകടിപ്പിക്കുന്നവരായിരിക്കും. മറ്റുചിലരാകട്ടെ പ്രണയമങ്ങനെ ഹൃദയത്തിൽ ഒളിച്ചു വെക്കുന്നവരും. പുറമെ നിന്നു കാണുന്നവർക്ക് ഈ രണ്ടു പ്രണയങ്ങളുടെയും അളവുകോൽ നിശ്ചയിക്കാനാകില്ല. പ്രണയിക്കുന്നവർക്ക് അത് അത്രമേൽ മനോഹരമായിരിക്കും. അത്തരത്തിലൊരു പ്രണയമാണ് ‘ഈ വഴിയേ’ എന്ന മ്യൂസിക് ആൽബം.

യാത്രയ്ക്കൊടുവിൽ , പൂട്ട് , സിഞ്ജാർ തുടങ്ങിയ ചിത്രങ്ങൾക്ക് സംഗീതമൊരുക്കിയ സതീഷ് രാമചന്ദ്രൻ പശ്ചാത്തല സംഗീതവും സംഗീത മേൽനോട്ടവും ( creative music) നിർവഹിച്ചിരിക്കുന്നു. ജീവ ജോസഫ് അമൃത എന്നിവർ പ്രധാന വേഷത്തിൽ അഭിനയിച്ചിരിക്കുന്നു. ഹക്കിം ഷാ ഹുസൈൻ ആണ് സംവിധാനം.