തെച്ചിക്കോട്ടുകാവിന് കുഴപ്പമില്ല; മദപ്പാടോ ആരോഗ്യപ്രശ്നങ്ങളോ ഇല്ല; ഗജരാജന് തെച്ചിക്കോട്ടുകാവ് രാമചന്ദ്രന് പൂര്ണആരോഗ്യവാനാണെന്ന് ജില്ലാ കളക്ടര് ടി.വി അനുപമ നിയോഗിച്ച മൂന്നംഗ മെഡിക്കല് സംഘത്തിന്റെ റിപ്പോര്ട്ട്
ഗജരാജന് തെച്ചിക്കോട്ടുകാവ് രാമചന്ദ്രന് പൂര്ണആരോഗ്യവാനാണെന്ന് ജില്ലാ കളക്ടര് ടി.വി അനുപമ നിയോഗിച്ച മൂന്നംഗ മെഡിക്കല് സംഘത്തിന്റെ റിപ്പോര്ട്ട്. ആന പൂര്ണ ആരോഗ്യവാനാണെന്നും, മദപ്പാടിന്റെ ലക്ഷണങ്ങളോ മറ്റ് മുറിവുകളോ രാമചന്ദ്രന്റെ ശരീരത്തില് ഇല്ലെന്നും ഡോക്ടര്മാരുടെ റിപ്പോര്ട്ടില് പറയന്നു
ആനയ്ക്ക് മദപ്പാടുണ്ടോ, ശരീരത്തില് മുറിവുകളുണ്ടോ, അനുസരണക്കേട് കാട്ടുന്നുണ്ടോ എന്നിങ്ങനെ മൂന്നു കാര്യങ്ങള് മെഡിക്കൽ സംഘം പരിശോധിച്ചു . ആന അനുസരണ കാട്ടുന്നുണ്ടോ എന്ന് അറിയാനായി അതിരാവിലെ ആനയെ കുളിപ്പിക്കുന്ന സമയം തന്നെ മെഡിക്കൽ സംഘം സ്ഥലത്ത് എത്തിയിരുന്നു. ഈ നേരമായിരിക്കും ആനകള് അനുസരണാ ശീലങ്ങള് കാണിക്കുക. അത്കൊണ്ടാണ് ഡോക്ടർമാർ അടങ്ങുന്ന സംഘം അതി രാവിലെ തന്നെ സ്ഥലത്ത് എത്തിയത്.
ഡോ. ഡേവിഡ്, ഡോ. വിവേക്, ഡോ. ബിജു എന്നിവരടങ്ങുന്ന സംഘമാണ് ആരോഗ്യക്ഷമത പരിശോധനടത്തിയത്. പരിശോധന ഒരുമണിക്കൂര് നീണ്ടുനിന്നു. മെഡിക്കല് സംഘം ഉടന് തന്നെ റിപ്പോര്ട്ട് കളക്ടര്ക്ക് സമര്പ്പിക്കുമെന്നാണ് സൂചന. ഇതിന്റെ അടിസ്ഥാനത്തില് ഫിറ്റ്നസ് സര്ട്ടിഫിക്കറ്റ് ലഭിച്ചാലുടന് നെയ്തലക്കാവ് ഭഗവതിയെ തിടമ്പേറ്റാന് തെച്ചിക്കോട്ടുകാവ് രാമചന്ദ്രന് എത്തും.
രാമചന്ദ്രനെ എഴുന്നള്ളിക്കുന്നതുമായി ബന്ധപ്പെട്ട പരാതി വെള്ളിയാഴ്ച ഹൈക്കോടതി പരിഗണിച്ചിരുന്നു. തുടർന്ന് കളക്ടറുടെ നേതൃത്വത്തിലുള്ള മോണിറ്ററിംഗ് കമ്മിറ്റിക്ക് ഇതില് തീരുമാനമെടുക്കാമെന്ന് കോടതി നിര്ദേശിക്കുകയായിരുന്നു. ഇതിന് ശേഷമാണ് ആരോഗ്യ ക്ഷമതാ പരിശോധന നടത്താന് തീരുമാനമെടുത്തത്.
https://www.facebook.com/Malayalivartha