ചെങ്ങന്നൂരിൽ പ്രണയാഭ്യർത്ഥന നടത്തിയ ശേഷം വിദ്യാർത്ഥിനിയുടെ കയ്യിൽ കടന്നു പിടിച്ച യുവാവിനെ പോലീസ് അറസ്റ്റ് ചെയ്തു. ചേപ്പാട് കണിച്ചനല്ലൂര്‍ സുമേഷ് ഭവനില്‍ സുമേഷ് (30) നെയാണ് പോലീസ് അറസ്റ്റ് ചെയ്തത്.

കഴിഞ്ഞ ദിവസം വൈകിട്ടാണു സംഭവം. ചെങ്ങന്നൂരിലെ സാങ്കേതിക വിദ്യാഭ്യാസ സ്ഥാപനത്തിലെ വിദ്യാര്‍ത്ഥിനിയായ മാവേലിക്കര സ്വദേശിനിയെ ഇയാൾ കടന്നു പിടിക്കുകയായിരുന്നു. ഇതിനു പിന്നാലെ സ്ഥലത്തുണ്ടായിരുന്ന ആളുകള്‍ പൊലീസിനെ വിവരം അറിയിക്കുകയായിരുന്നു. കഴിഞ്ഞ കുറച്ചു നാളായി പെണ്‍കുട്ടിയെ യുവാവ് ശല്യം ചെയ്യുന്നതായി മാവേലിക്കര പൊലീസ് സ്റ്റേഷനില്‍ പരാതി ലഭിച്ചിരുന്നെന്ന് പൊലീസ് പറഞ്ഞു.