രാത്രി ഷിഫ്റ്റ് ചെയ്യാറുണ്ടോ? രോഗികളാവും! ഞെട്ടിക്കുന്ന സര്‍വേ ഫലം
നൈറ്റ് ഷിഫ്റ്റില്‍ ജോലിചെയ്യുന്ന സ്ത്രീകള്‍ നിങ്ങളുടെ വീട്ടുലുണ്ടോ? എങ്കില്‍ ഷിഫ്റ്റ് മതിയാക്കി വീട്ടിലിരിക്കാന്‍ ഉപദേശിക്കുക. കാരണം നൈറ്റ് ഷിഫ്റ്റില്‍ ജോലി ചെയ്യുന്ന സ്ത്രീകള്‍ക്ക് മാരക രോഗങ്ങള്‍ക്ക് സാധ്യതയുണ്ടെന്ന കണ്ടെത്തല്‍ പുറത്തുവന്നിരിക്കുന്നു. ബോസ്റ്റണിലെ ഹാര്‍വാസ് മെഡിക്കല്‍ സ്‌ക്കൂളാണ് പഠനം നടത്തിയിരിക്കുന്നത്. പ്രൊഫ. ഇവയാണ് പഠനത്തിന് നേതൃത്വം നല്‍കിയത്. അമേരിക്കന്‍ ജേണല്‍ ഓഫ് പ്രവന്റീവില്‍ ഗവേഷണത്തിന്റെ പൂര്‍ണ്ണവിവരങ്ങള്‍ പ്രസിദ്ധീകരിച്ചിട്ടുണ്ട്. ഹൃദയത്തേയും രക്തധമനികളെയും ബാധിക്കുന്ന രോഗങ്ങള്‍ നൈറ്റ് ഡ്യൂട്ടി ചെയ്യുന്നവരില്‍ 20% കൂടുതലാണെന്ന് പഠനത്തില്‍ പറയുന്നു. അഞ്ച് വര്‍ഷത്തിലെറെയായി നൈറ്റ് ഷിഫ്റ്റില്‍ ജോലി ചെയ്യുന്ന സ്ത്രീകള്‍ക്കിടയില്‍ ശ്വസകോശ അര്‍ബുദം 25% കൂടുതലാണ്. ഘൃദ്രോഹവും നൈറ്റ് ഷിഫ്റ്റുകാരെ വെറുതെ വിടുന്നില്ല.
അമേരിക്കയില്‍ നൈറ്റ് ഷിഫ്റ്റില്‍ പ്രവര്‍ത്തിക്കുന്ന ഒരുലക്ഷത്തിലേറെ സ്ത്രീകളെ ഉപയോഗിച്ചാണ് ഹാര്‍വാഡ് മെഡിക്കള്‍ സ്‌കൂള്‍ പഠനം നടത്തിയത്. 30 നും 55 നുമിടയില്‍ പ്രായമുളളവര്‍ക്കിടയില്‍ ചോദ്യാവലി വിതരണം ചെയ്തു. പൂരിപ്പിച്ചുകിട്ടിയ ചോദ്യാവലി വിശദമായ പഠനത്തിന് വിധേയമാക്കി. തുടര്‍ന്നാണ് പ്രൊഫ.ഇവ ഗവേഷണ ഫലം തയ്യാറാക്കിയത്. അടുത്തിടെ ഇംഗ്ലണ്ടില്‍ നടന്ന ഒരു ആരോഗ്യസര്‍വേയിലും രാത്രിഷിഫ്റ്റില്‍ ജോലി ചെയ്യുന്ന സ്ത്രീകള്‍ക്കിടയില്‍ രോഗം വര്‍ധിക്കുന്നതായി കണ്ടെത്തിയിരുന്നു. രാത്രികാലങ്ങളില്‍ ജോലി ചെയ്യുന്നവരില്‍ നീണ്ടുനില്‍ക്കുന്ന രോഗങ്ങളാണ് കണ്ടുവരുന്നത്. അതേസമയം സ്ത്രീകളെ അപേക്ഷിച്ച് 40 ശതമാനം പുരുഷന്‍മാര്‍ക്ക് മാത്രമാണ് ഇത്തരം രോഗങ്ങള്‍ കണ്ടുവരുന്നത്. കഴുത്തില്‍ വേദന, നടുവേദന, മുട്ടുവേദന എന്നിങ്ങനെയുളള രോഗങ്ങളും സ്ത്രീകള്‍ക്കിടയില്‍ വര്‍ധിക്കുന്നു.
പകല്‍സമയം ജോലിചെയ്യുന്നവരേക്കാള്‍ രാത്രികാലങ്ങളില്‍ ജോലി ചെയ്യുന്ന സ്ത്രികള്‍ക്കാണ് രോഗബാധ്യത ഏറിയിരിക്കുന്നത്. വിദേശ രാജ്യങ്ങളില്‍ സ്ത്രികളാണ് രാത്രികാലങ്ങളില്‍ ജോലിചെയ്യുന്നത്. രോഗ കാരണം കൃത്യമായി കണ്ടെത്താന്‍ കഴിഞ്ഞിട്ടില്ല. വിവധതരം കാരണങ്ങള്‍ ഡോക്ടര്‍മാര്‍ ചൂണ്ടികാണിക്കുന്നുണ്ടെങ്കിലും എന്തുകൊണ്ട് സംഭവിക്കുന്നു എന്നതിനെകുറിച്ച് വ്യക്തമായ ഒരു മറുപടി ലഭ്യമല്ല. പരിഹാരമാര്‍ഗ്ഗം ഉണ്ടന്നേയുളളു. രാത്രികാല ഷിഫ്റ്റുകള്‍ കഴിയുന്നടുത്തോളം ഒഴിവാക്കാം. നിവൃത്തിയില്ലെങ്കില്‍ രാത്രിഷിഫ്റ്റാകാം. എന്നാല്‍ അതിനിടയില്‍ ഇടവേളകള്‍ സൂക്ഷിക്കാന്‍ കൃത്യമായി ശ്രമിക്കണം.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക
https://www.facebook.com/Malayalivartha
