എന്റെ പൊന്നുമോളെ... എന്തിനാ നീ ഈ കടുംകൈ ചെയ്തെ!! പ്ലസ്ടു പരീക്ഷയില് ഉന്നത വിജയം... കരുവാറ്റയില് പെണ്കുട്ടി ആത്മഹത്യ ചെയ്തത് അയല്വാസികളുടെ അസഭ്യവര്ഷത്തില് മനംനൊന്ത്! വീടിന്റെ ഭിത്തിയില് അയല്വാസികളുടെ പേര് എഴുതിവെച്ച് ഹൃദ്യയുടെ ആത്മഹത്യ
കഴിഞ്ഞ ദിവസം അയല്വാസികളുമായി നടന്ന വഴക്കിനൊടുവിലാണ് ഹൃദ്യ സ്വന്തം മുറിയില് കയറി വാതിലടച്ച ശേഷം ഫാനില് തൂങ്ങി മരിച്ചത്. കരുവാറ്റ മണക്കത്ത് മണലില് ഹരികുമാറിന്റെയും ബീനാറാണിയുടെയും ഏകമകള് ഹൃദ്യ(ചക്കര-18)യാണ് മരിച്ചത്. മൃതദേഹം പോസ്റ്റ്മോര്ട്ടത്തിനുശേഷം മോര്ച്ചറിയില് സൂക്ഷിച്ചിരിക്കുകയാണ്. ശവസംസ്കാരം ഇന്ന് രാവിലെ 11-ന്. ഹരിപ്പാട് പൊലീസ് കേസെടുത്തു. ഹൃദ്യയുടെ വീട്ടിലെ പശു അയല്വീട്ടിലെ പറമ്ബില് കയറിയതിനെച്ചൊല്ലിയുള്ള തര്ക്കമാണ് വഴക്കില് കലാശിച്ചത്. ഇതേച്ചൊല്ലി അയല്വാസികള് ഹൃദ്യയെ തുടര്ച്ചയായി അസഭ്യംപറഞ്ഞു.
അയല്വാസികളായ ദമ്ബതികളും അവരുടെ സഹോദരനും ചേര്ന്നാണ് അസഭ്യം പറഞ്ഞത്. വിഷമത്തോടെ വീടിനകത്തേക്ക് കയറിപ്പോയ ഹൃദ്യ മുറിയുടെ വാതിലടച്ച് കുറ്റിയിട്ടു. ഒരുമണിക്കൂറായിട്ടും പുറത്തേക്ക് കാണാത്തതിനാല് വീട്ടുകാര് നോക്കിയപ്പോള് ഫാനില് തൂങ്ങിയ നിലയിലായിരുന്നു. ഉടന്തന്നെ താഴെയിറക്കി ഹരിപ്പാട്ടെ സ്വകാര്യ ആശുപത്രിയില് എത്തിച്ചെങ്കിലും രക്ഷിക്കാനായില്ല. വ്യാഴാഴ്ച വൈകീട്ടായിരുന്നു സംഭവം. ആത്മഹത്യ ചെയ്യുന്നതിന് മുമ്ബ് വീടിന്റെ ഭിത്തിയില് അയല്വാസികളുടെ പേര് ഹൃദ്യ എഴുതിവെച്ചിട്ടുണ്ടായിരുന്നുവെന്ന് പൊലീസ് പറഞ്ഞു. മൂന്നുപേരുടെ പേരുകളാണ് ഭിത്തിയില് എഴുതിവച്ചിരുന്നത്. ഇവര് ഒളിവിലാണെന്ന് പൊലീസ് പറഞ്ഞു. കുട്ടിയുടെ മരണത്തില് അയല്വീട്ടുകാര്ക്ക് പങ്കുണ്ടോയെന്ന് അന്വേഷിച്ച് അനന്തര നടപടികള് സ്വീകരിക്കുമെന്ന് ഹരിപ്പാട് എസ്ഐ. ടി.എല്.സ്റ്റെപ്പ്റ്റോ ജോണ് പറഞ്ഞു.
https://www.facebook.com/Malayalivartha
