ലോക്സഭാ തെരഞ്ഞെടുപ്പ് വോട്ടെണ്ണല് വ്യാഴാഴ്ച്ച നടക്കുന്നതിനാല് സംസ്ഥാനത്തുടനീളമുള്ള വോട്ടെടുപ്പ് കേന്ദ്രങ്ങളില് കര്ശസുരക്ഷ ഏര്പ്പെടുത്തിയതായി ഡി.ജി.പി ലോക്നാഥ് ബഹ്റ അറിയിച്ചു
ലോക്സഭാ തെരഞ്ഞെടുപ്പ് വോട്ടെണ്ണല് വ്യാഴാഴ്ച്ച നടക്കുന്നതിനാല് സംസ്ഥാനത്തുടനീളമുള്ള വോട്ടെടുപ്പ് കേന്ദ്രങ്ങളില് കര്ശസുരക്ഷ ഏര്പ്പെടുത്തിയതായി ഡി.ജി.പി ലോക്നാഥ് ബഹ്റ അറിയിച്ചു. 22,640 പൊലീസ് ഉദ്യോഗസ്ഥരെയാണ് വോട്ടെണ്ണല് ദിവസം ജില്ലാ പോലീസ് മേധാവിമാരുടെ നേരിട്ടുള്ള നിയന്ത്രണത്തില് സംസ്ഥാനത്തൊട്ടാകെ വിന്യസിച്ചിരിക്കുന്നത് . ഇവരില് 111 ഡി.വൈ.എസ്.പിമാരും 395 ഇന്സ്പെക്ടര്മാരും 2632 എസ്ഐ/എഎസ്ഐമാരും ഉള്പ്പെടുന്നു. കൂടാതെ കേന്ദ്ര സായുധസേനയില് നിന്ന് 1344 പൊലീസ് ഉദ്യോഗസ്ഥരും ക്രമസമാധാനപാലനത്തിനുണ്ടാകും.
എല്ലാ ജില്ലകളില് നിന്നും പൊലീസ് ഉദ്യോഗസ്ഥരെ ജില്ലാ പൊലീസ് മേധാവിമാരുടെ നേതൃത്വത്തില് ഡ്യൂട്ടിക്ക് നിയോഗിച്ചിട്ടുണ്ട്. ക്രൈംബ്രാഞ്ച്, സ്പെഷ്യല് ബ്രാഞ്ച് തുടങ്ങിയ സ്പെഷ്യല് യൂണിറ്റില് നിന്നുള്ള ഉദ്യോഗസ്ഥരെയും ആവശ്യമുള്ള പക്ഷം ഡ്യൂട്ടിക്ക് നിയോഗിക്കുന്നതാണ്. പ്രശ്നബാധിത പ്രദേശങ്ങളില് അധികമായി സുരക്ഷ ഏര്പ്പെടുത്തിയിട്ടുണ്ട്. ഏത് മേഖലയിലും എത്തിച്ചേരാന് വാഹനസൗകര്യവും ഏര്പ്പാടാക്കി. ആവശ്യമെങ്കില് വാഹനങ്ങള് വാടകയ്ക്കെടുക്കുന്നതിന് ജില്ലാ പൊലീസ് മേധാവിമാര്ക്ക് അനുമതി നല്കിയിട്ടുണ്ടെന്നും സംസ്ഥാന പൊലീസ് മേധാവി അറിയിച്ചു. മലബാറിലെ ചില ജില്ലകളില് വോട്ടെടുപ്പ് ദിവസം കള്ളവോട്ട് ന
ടന്നതിനാല് പ്രശ്നബാധിത ബൂത്തുകളിലെ വോട്ടെണ്ണുന്ന കേന്ദ്രങ്ങളിലും പ്രത്യേക സുരക്ഷയൊരുക്കും.
ഫലപ്രഖ്യാപനത്തിന് ശേഷം അക്രമം ഉണ്ടാകാനുള്ള സാധ്യത കണക്കിലെടുത്ത് സംസ്ഥാനത്തുടനീളം പല സ്ഥലങ്ങളിലും സുരക്ഷാക്രമീകരണങ്ങള് ഏര്പ്പെടുത്തും. ഇതിന് മുന്നോടിയായി സംസ്ഥാന ഇന്റലിജന്സ് വിഭാഗം മുന്നൊരുക്കങ്ങള് നടത്തുന്നുണ്ട്. കഴിഞ്ഞ ദിവസം റീപോളിംഗ് നടന്ന കാസര്കോട്ടെ ഒരു ബൂത്തിലെ വോട്ടറായ ഷാര്ലറ്റിന്റെ വീട് അന്ന് രാത്രി തന്നെ ആക്രമിച്ചിരുന്നു. തന്റെ വോട്ട് മറ്റൊരാള് ചെയ്തതിനെ തുടര്ന്ന് ഷാര്ലറ്റ് പരാതി നല്കിയിരുന്നു. അങ്ങനെയാണ് റീ പോളിംഗ് നടത്തിയത്. അതുപോലെ വടകര മണ്ഡലത്തിലെ സ്വതന്ത്രസ്ഥാനാര്ത്ഥിയും മുന് സി.പി.എം പ്രവര്ത്തകനുമായ നസീറിനെ കഴിഞ്ഞ ദിവസം രാത്രി ഒരു സംഘം ആക്രമിച്ചിരുന്നു. ഇതെല്ലാം കണക്കിലെടുത്ത് വോട്ടെണ്ണലിന് ഏതാനും ദിവസങ്ങള്ക്ക് മുന്നേ പൊലീസ് ശക്തമായ നിരീക്ഷണം നടത്തുന്നുണ്ട്.
വോട്ടെണ്ണല് കഴിഞ്ഞ ദിവസം മുതല് എണ്ണല് കേന്ദ്രങ്ങളില് സൂക്ഷിച്ചിരിക്കുന്ന ഇലക്ട്രോണിക്സ് മെഷീനുകള്ക്ക് കേരളാ പൊലീസും കേന്ദ്രസേനയും 24 മണിക്കൂറും കാവല് നില്ക്കുകയാണ്. അതിന് പിന്നാലോ റീ പോളിംഗ് നടന്ന ബൂത്തുകളിലും പരിസരപ്രദേശങ്ങളിലും പൊലീസ് ശക്തമായ സുരക്ഷ ഒരുക്കിയിരുന്നു. ആദിവാസി ഊരുകള് അടക്കമുള്ള ഉള്പ്രദേശങ്ങളില് പോളിംഗ് ഉദ്യോഗസ്ഥര്ക്കൊപ്പം വോട്ടെടുപ്പിന് തലേദിവസം മുതല് പൊലീസും കേന്ദ്രസേനയും കാവലായി ഉണ്ടായിരുന്നു. ഊണും ഉറക്കവും ഉപേക്ഷിച്ചാണ് ഉദ്യോഗസ്ഥര് ഡ്യൂട്ടി ചെയ്തത്. തെരഞ്ഞെടുപ്പിന് മുന്നോടിയായി ആദിവാസി ഊരുകളിലടക്കം സ്റ്റുഡന്റ് പൊലീസിനെ ഉപയോഗിച്ച് സംസ്ഥാന പൊലീസ് ബോധവല്ക്കരണ പരിപാടികളും സംഘടിപ്പിച്ചിരുന്നു.
https://www.facebook.com/Malayalivartha
