ശ്രീധരന് പിള്ളയ്ക്കെതിരെ ഫെയിസ്ബുക്ക് പോസ്റ്റിട്ടപ്പോള് ധനമന്ത്രിയായ തോമസ് ഐസക്ക് ഇത്രയും വലിയ കുരുക്കുണ്ടാകുമെന്ന് സ്വപ്നത്തില് പോലും പ്രതീക്ഷിച്ചുകാണില്ല
ശ്രീധരന് പിള്ളയ്ക്കെതിരെ ഫെയിസ്ബുക്ക് പോസ്റ്റിട്ടപ്പോള് ധനമന്ത്രിയായ തോമസ് ഐസക്ക് ഇത്രയും വലിയ കുരുക്കുണ്ടാകുമെന്ന് സ്വപ്നത്തില് പോലും പ്രതീക്ഷിച്ചുകാണില്ല. ക്രിമിനല് അഭിഭാഷകനായ ശ്രീധരന് പിള്ള പത്ത് കോടിരൂപയുടെ മാനനഷ്ടക്കേസാണ് ധനമന്ത്രിക്കെതിരെ നല്കിയിരിക്കുന്നത്. ഇത് സംബന്ധിച്ച് വക്കീല് നോട്ടീസും അയച്ചു. അഡ്വ. ജോസഫ് തോമസ് മുഖേനയാണ് നോട്ടീസ് അയച്ചത്. തനിക്കെതിരെ ഫെയിസ്ബുക്കിലൂടെ നടത്തിയ പ്രസ്താവന പിന്വലിച്ച് മാപ്പ് പറഞ്ഞില്ലെങ്കില് നഷ്ടപരിഹാരം നല്കണമെന്നാണ് ആവശ്യം. ദേശീയപാത സ്ഥലമെടുപ്പ് അട്ടിമറിക്കാന് ശ്രീധരന്പിള്ള കേന്ദ്ര ഉപരിതല ഗതാഗതമന്ത്രിക്ക് കത്തയച്ചെന്നായിരുന്നു ഐസക്കിന്റെ പോസ്റ്റ്.
ബിജെപി സംസ്ഥാന അദ്ധ്യക്ഷപദം കേരള വികസനം അട്ടമറിക്കാനുള്ള സുവര്ണ്ണാവസരമാണെന്നും വികസനം അട്ടിമറിച്ച അദ്ദേഹത്തെ പൊതു ശത്രുവമായി പ്രഖ്യാപിച്ച് സാമൂഹികമായി ബഹിഷ്ക്കരിക്കുകയാണ് വേണ്ടതെന്നുമാണ് തോമസ് ഐസക്കിന്റെ ഫെയ്സ്ബുക്ക് പോസ്റ്റ്. തന്നെ മനപൂര്വ്വം അപകീര്ത്തിപ്പെടുത്തുന്ന തരത്തിലുള്ളതാണ് ഐസക്കിന്റെ പ്രസ്താവനയെന്ന് ശ്രീധരന്പിള്ള ആരോപിച്ചു. സോഷ്യല് മീഡയക്ക് നിയമത്തിന്റെ മുന്നില് പ്രത്യേക പരിഗണന ഇല്ല. പൊതു പ്രവര്ത്തകരെ എന്തു ചെയ്യാം എങ്ങനെയും വേട്ടയാടാം എന്ന രീതിക്ക് മാറ്റം വേണം. അതിനാലാണ് നിയമനടപടി സ്വീകരിച്ചത്. നഷ്ടപരിഹാരതുക ശബരിമല വിഷയത്തില് വേട്ടയാടി ഇന്നും വേദന അനുഭവിക്കുന്നവര്ക്ക് നല്കുമെന്നും ശ്രീധരന്പിള്ള പറഞ്ഞു.
സമൂഹമാധ്യമങ്ങള് മുഖേന അപകീര്ത്തിപ്പെടുത്തിയതിന് 11 കേസുകള് കൂടി ഫയല് ചെയ്യുമെന്നും ശ്രീധരന്പിള്ള പറഞ്ഞു. ആറ്റിങ്ങലില് വര്ഗ്ഗീയ ചുവയുള്ള പ്രസംഗം നടത്തിയെന്ന് കാണിച്ച് സിപിഎം മുന് എംഎല്എ നല്കിയ പരാതിയില് തെരഞ്ഞെടുപ്പ് കമ്മീഷനില് തെളിവായി നല്കിയ പ്രസംഗത്തിന്റെ സിഡി ആവശ്യപ്പെട്ടതനുസരിച്ച് തന്നു. സിഡി പരിശോധിച്ചു. തെറ്റായിട്ടൊന്നും പ്രസംഗിച്ചിട്ടില്ല. ഒരു ഭാഗം മാത്രം അടര്ത്തിയെടുത്താണ് പരാതി നല്കിയത്. ശബരിമല വിഷയത്തില് ഇരുമുന്നണികളും ഇപ്പോള് തമ്മലടിക്കുകയാണ്. ബിജെപി മുമ്പ് പറഞ്ഞതു പോലെ തെരഞ്ഞെടുപ്പില് ശബരിമല മുഖ്യവിഷയമായെന്നും ശ്രീധരന്പിള്ള ചൂണ്ടിക്കാട്ടി.
നെഹ്റു കുടുംബം ഭരണത്തില് വന്നാലെ ഭരണഘടനയും നാനാത്വത്തില് ഏകത്വം നിലനില്ക്കൂ എന്നാണ് ഏ.കെ. ആന്റണിയുടെ പ്രസ്താവന. ആത്മാര്ത്ഥത ഉണ്ടെങ്കില് അടിയന്തരാവസ്ഥയെ എതിര്ത്ത് ആസ്സാം എഐസിസിയില് പ്രസ്താവന നടത്തിയത് എന്തിനെന്ന് വ്യക്തമാക്കണമെന്നും ശ്രീധരന്പിള്ള ആവശ്യപ്പെട്ടു എന്നാല് ശ്രീധരന്പിള്ളയുടെ വക്കീല്നോട്ടീസിനോട് ധനമന്ത്രി ചൊവ്വാഴ്ച ഉച്ചവരെ പ്രതികരിച്ചിട്ടില്ല. ശ്രീധരന്പിള്ള കേന്ദ്രമന്ത്രിക്ക് അയച്ച കത്തിന്റെ പകര്പ്പ് സഹിതമാണ് തോമസ് ഐസക്ക് ഫെയിസ്ബുക്ക് പോസ്റ്റിട്ടത്. സംഭവം വിവാദമായതിനെ തുടര്ന്ന് ദേശീയപാത സ്ഥലമെടുപ്പ് റദ്ദാക്കിയ ഉത്തരവ് കേന്ദ്രഉപരിതല ഗതാഗത മന്ത്രാലയം പുനസ്ഥാപിച്ചിരുന്നു.
https://www.facebook.com/Malayalivartha
