പത്തനംതിട്ടയിൽ ആദ്യമായി ബിജെപിക്ക് ലീഡ് ലഭിച്ചിരിക്കുകയാണ്. കെ.സുരേന്ദ്രൻ വ്യക്തമായ ലീഡ് ഉറപ്പാക്കുകയാണ്. കെ.സുരേന്ദ്രന്റെ സ്ഥാർത്ഥിത്തോടെ പത്തനതിട്ടയുടെ നിറം തന്നെ മാറുകയായിരുന്നു. കറുത്ത വേഷം ധരിച്ച് സ്വാമിയെപോലെ അമ്മമാരുടെ ഹൃദയത്തിലേക്ക് ഇറങ്ങിച്ചെന്ന നേതാവാണ് സുരേന്ദ്രൻ. സിപിഎം കുടുംബങ്ങളിലെ വോട്ട് പോലും സുരേന്ദ്രൻ ചോർന്നെന്നാണ് വിലയിരുത്തൽ. ആ ഒരു ഫല സൂചനകൾ സാധുകരിക്കുകയാണ് ആദ്യ ഫലങ്ങൾ.

അതേസമയം ലോക്സഭ തിരഞ്ഞെടുപ്പിന്റെ ആദ്യ ഫലസൂചനകൾ പുറത്തുവരുമ്പോൾ യുഡിഎഫിന് വ്യക്തമായ മേൽക്കൈ. ഇരുപതിൽ 18 സീറ്റുകളിലാണ് യുഡിഎഫ് ഇപ്പോൾ മുന്നിട്ടുനിൽക്കുന്നത്. എൽഡിഎഫ് രണ്ടു സീറ്റിലേക്ക് ചുരുങ്ങി. തപാൽ വോട്ടുകൾ എണ്ണിയപ്പോൾ എൻഡിഎ സ്ഥാനാർഥി കുമ്മനം രാജശേഖരൻ മുന്നിട്ടുനിന്നിരുന്നെങ്കിലും പിന്നീട് പിന്നോക്കം പോകുകയായിരുന്നു. വയനാട്ടിൽ 5000 വോട്ടുകൾക്ക് രാഹുൽ ഗാന്ധി മുന്നിട്ടുനിൽക്കുകയാണ്. രണ്ടായിരത്തിലധികം വോട്ടുകൾക്കാണ് കെ.മുരളീധരനും രാജ്മോഹൻ ഉണ്ണിത്താനും മുന്നിട്ടുനിൽക്കുന്നത്. കേരളത്തിൽ ആകെ 20 മണ്ഡലങ്ങളിലേക്കാണ് വോട്ടെടുപ്പ് നടക്കുന്നത്. മൊത്തം രണ്ടു കോടിയിലേറെ വോട്ടർമാർ 227 സ്ഥാനാർഥികളിൽ നിന്നാണ് 20 പേരെ തിരഞ്ഞെടുക്കുന്നത്.