തിരുവനന്തപുരം മണ്ഡലത്തിലെ ബി.ജെപി സ്ഥാനാർഥി കുമ്മനം രാജശേഖരൻ രാവിലെ തന്നെ ക്ഷേത്രദർശനം നടത്തിയശേഷം വോട്ടെണ്ണൽ കേന്ദ്രത്തിലേക്ക് തിരിച്ചു. പ​ദ്മ​നാ​ഭ സ്വാ​മി ക്ഷേ​ത്ര​ത്തി​ലും തൈ​ക്കാ​ട് അ​യ്യാ ഗു​രു ആ​ശ്ര​മ​ത്തി​ലും പോ​യ ശേ​ഷ​മാ​ണ് കു​മ്മ​നം രാജശേഖരൻ വോ​ട്ടെ​ണ്ണ​ൽ കേ​ന്ദ്ര​ത്തി​ലേ​ക്ക് തി​രി​ച്ച​ത്. തിരുവനന്തപുരത്ത് വ​ലി​യ വി​ജ​യം നേ​ടാ​നാ​കു​മെ​ന്ന് പ്രതീക്ഷിക്കുന്നതായി കു​മ്മ​നം രാ​ജ​ശേ​ഖ​ര​ൻ മാധ്യമപ്രവർത്തകരോട് പറഞ്ഞു. കേരളത്തിലെ എറ്റവും ശ്രദ്ധേയമായ ലോകസഭാ മണ്ഡലങ്ങളിൽ ഒന്നാണ് തിരുവനന്തപുരം. എൻ. ഡി.എ സ്ഥാനാർഥി കുമ്മനം രാജശേഖരൻ വിജയിക്കുമെന്നുള്ള സർവേ ഫലങ്ങളാണ് തിരുവന്തപുരത്തെ സസ്പെൻസിലാക്കുന്നത്. അത് നിലനിർത്തിക്കൊണ്ടുള്ള ആദ്യ ഫല സൂചനകളാണ് വന്നത്. തുടക്കത്തിൽ കുമ്മനം രാജശേഖരൻ വ്യക്തമായ ലീഡ് നേടുകയും ചെയ്തു. എന്നാൽ ഒരു മണിക്കൂർ പിന്നിട്ടപ്പോൾ കുമ്മനത്തെ വെട്ടി ശശിതരൂർ മുന്നിലെത്തിയിരിക്കുകയാണ്. പോസ്റ്റൽ വോട്ടിൽ പുറകിലായാലും കുമ്മനം മുന്നിലെത്തുമെന്നാണ് ബിജെപിയുടെ പ്രതീക്ഷ.