സംസ്ഥാനത്തിന്റെ വിവിധഭാഗങ്ങളില്‍ അനധികൃതമായി നിര്‍മ്മിച്ച വന്‍കിട കച്ചവട സ്ഥാപനങ്ങള്‍ക്ക് കെട്ടിടനിര്‍മ്മാണ ചട്ടങ്ങളില്‍ ഇളവ് അനുവദിക്കാനുളള സര്‍ക്കാര്‍ തീരുമാനം ഉടന്‍. കല്യാണ്‍ സില്‍ക്‌സ് ഉള്‍പ്പടെയുളള സ്ഥാപനങ്ങള്‍ക്ക് ഇളവ് അനുവദിക്കാനാണ് നീക്കം. മുസ്ലീംലീഗ് നേതൃത്വം നല്‍കുന്ന നഗരാശ്രൂത്രണ തദ്ദേശ സ്വയംഭരണ വകുപ്പുകളില്‍ നിന്നാണ് നീക്കം ആരംഭിച്ചിരിക്കുന്നത്. ഇത് സംബന്ധിക്കുന്ന ഫയലില്‍ എതിരഭിപ്രായം രേഖപ്പെടുത്തിയതിന് ഒരു സര്‍ക്കാര്‍ വകുപ്പിലെ ഉന്നതനെ സ്ഥലം മാറ്റാന്‍ തീരുമാനിച്ചിട്ടുണ്ട്.
വകുപ്പ് സെക്രട്ടറിയുടെ നിര്‍ദേശം മറികടന്നതാണ് നടപടിക്ക് കാരണമായത്. അതേസമയം വകുപ്പ് മന്ത്രി ഇക്കാര്യം അിറഞ്ഞിട്ടില്ല. വകുപ്പു മന്ത്രിമാര്‍ നിയമവകുപ്പിനോട് അഭിപ്രായം ആരായാറുണ്ട്. അവര്‍ അഭിപ്രായം നല്‍കാറുമുണ്ട്. എന്നാല്‍ ഉടന്‍ സര്‍വീസില്‍ നിന്നും വിരമിക്കുന്ന ഒരു ഉന്നത ഉദ്യോഗസ്ഥന്‍ നിയമവിരുദ്ധമായ കാര്യം ഫയിലിലെഴുതാന്‍ മറ്റുദ്യോഗസ്ഥനോട് നിര്‍ദേശിച്ചു എന്നാണ് അറിയുന്നത്. കെട്ടിട നിര്‍മ്മാണ ചട്ടങ്ങളില്‍ ഇളവുവരുത്താനുളള തീരുമാനം മുഖ്യമന്ത്രിയും അിറഞ്ഞിട്ടുണ്ട്. ലീഗിന്റെ വകുപ്പില്‍ നിന്ന് നിര്‍ദേശം വന്നതാണ് കാരണം.
അനധികൃതമായി സംസ്ഥാനത്ത് കെട്ടിടനിര്‍മ്മാണം പതിവാണ്. ചെറിയ കെട്ടിടങ്ങള്‍ക്കാണ് സര്‍ക്കാര്‍ സാധാരണ ഇളവ് അനുവദിക്കാറുളളത്. അത്തരം കെട്ടിട നിര്‍മ്മാതാക്കള്‍ സര്‍ക്കരിനെ ഇളവിനു വേണ്ടി സമീപിക്കും. എന്നാല്‍ നിശ്ചിത ചതരുശ്ര അടിക്ക് മുകളില്‍ കെട്ടിടങ്ങള്‍ നിര്‍മ്മിച്ചാല്‍ അതിന് സാധാരണഗതിയില്‍ ഇളവ് അനുവദിക്കാറില്ല. അപ്രകാരം ഇളവ് അനുവദിക്കുകയാണെങ്കില്‍ അതിനു പിന്നില്‍ കോടകളുടെ തിരിമറി നടന്നതായി അനുമാനിക്കാം.
ലീഗിന്റെ വകുപ്പുകളെപ്പറ്റി നേരത്തേ തന്നെ ആക്ഷേപമുണ്ട്. ലീഗിന്റെ വകുപ്പുകളില്‍ നടക്കുന്ന കാര്യങ്ങള്‍ ആര്‍ക്കും ചോദ്യം ചെയ്യാനുമാകില്ല. അതിനുളള ശക്തി മുഖ്യമന്ത്രിക്ക് പോലുമില്ല. ഇനി പ്രതീക്ഷ സുധീരനാണ്.
കെട്ടിടനിര്‍മ്മാണചട്ടങ്ങളില്‍ ഇളവ് ചെയ്തു കൊടുക്കാനുളള ഉയര്‍ന്ന ഉദ്യോഗസ്ഥന്റെ തീരുമാനത്തിനു പിന്നില്‍ ഒരു കമ്മീഷനിലേക്കുളള നിയമമാണെന്ന് അറിയുന്നു. പ്രസ്തുത കമ്മീഷന് ഇപ്പോള്‍ നാഥനില്ല. ഒരംഗത്തിന് ചുമതല നല്‍കിയിരിക്കുകയാണ്. കമ്മീഷന്റെ ഭരണ വകുപ്പ് മുസ്ലീംലീഗിലെ ഒരു മന്ത്രിയുടേതാണ്. കെട്ടിടനിര്‍മ്മാണത്തില്‍ ഇളവ് വരുത്തുന്ന ഫയലില്‍ അനുകൂല നിലപാടെടുത്താല്‍ ലീഗ് മന്ത്രിക്ക് കീഴിലുളള കമ്മീഷനില്‍ അധ്യക്ഷനാക്കാമെന്നാണ് ഉന്നത ഉദ്യോഗസ്ഥന് നല്‍കിയിരിക്കുന്ന വാഗ്ദാനം. ഉദ്യോഗസ്ഥന്‍ ഫെബ്രുവരി ഒടുവില്‍ സര്‍വീസില്‍ നിന്നും വിരമിക്കും. ജുഡീഷ്യറിയില്‍ നിന്നാണ് അദ്ദേഹം സര്‍ക്കാരില്‍ നിയമിതനായത്. നിയമവകുപ്പ് അംഗീകരിച്ചാല്‍ ചട്ടം കോടതിയില്‍ ചോദ്യം ചെയ്യാനും പ്രയാസമായിരിക്കും.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha