കൊ​ച്ചി പാലാരിവട്ടം പാ​ലം പണിയുമ്പോൾ സി​മ​ന്‍റി​ന്‍റെ​യും കമ്പിയു​ടെ​യും അ​ള​വ് പ​രി​ശോ​ധി​ക്കു​ന്ന​ത് മ​ന്ത്രി​യു​ടെ പ​ണി​യ​ല്ലെ​ന്ന് മു​ൻ പൊ​തു​മ​രാ​മ​ത്ത് മ​ന്ത്രി വി.​കെ. ഇ​ബ്രാ​ഹിം​കുഞ്ഞിന്റെ പ്രതികരണം. പാ​ലാ​രി​വ​ട്ടം മേ​ൽ​പ്പാ​ലം അ​ഴി​മ​തി സം​ബ​ന്ധി​ച്ചു പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം.

മ​ന്ത്രി​യാ​യി​രി​ക്കെ മേ​ൽ​പ്പാ​ല നി​ർ​മാ​ണ​ത്തി​ന്‍റെ ഭ​ര​ണാ​നു​മ​തി മാ​ത്ര​മാ​ണ് ന​ൽ​കി​യ​ത്. സി​മ​ന്‍റി​ന്‍റെ​യും കമ്പി​യു​ടെ​യും അ​ള​വ് പ​രി​ശോ​ധി​ക്കേ​ണ്ട​ത് ഉ​ദ്യോ​ഗ​സ്ഥ​രാ​ണ്. റോ​ഡു​പ​ണി നടക്കുമ്പോഴും പാ​ലം പ​ണി നടക്കുമ്പോഴും സി​മ​ന്‍റ് എ​ത്ര ഇ​ട്ടു, കമ്പി എ​ത്ര ഇ​ട്ടു എ​ന്നൊ​ക്കെ മ​ന്ത്രി​ക്ക് നോ​ക്കാ​നാ​കു​മോ എ​ന്നു ചോ​ദി​ച്ച ഇ​ബ്രാ​ഹിം​കു​ഞ്ഞ്, ഇ​തു മ​ന്ത്രി​യു​ടെ പ​ണി​യ​ല്ലെ​ന്ന് ചി​ന്തി​ച്ചാ​ൽ മ​ന​സി​ലാ​കു​മെ​ന്നും ഇ. ​ശ്രീ​ധ​ര​ൻ പ​റ​യു​ന്ന കാ​ര്യ​ങ്ങ​ൾ ന​ട​ക്കാ​ൻ പോ​കു​ന്നി​ല്ലെ​ന്നും മു​ൻ മ​ന്ത്രി കൂട്ടിച്ചേർത്തു.

പാ​ലം പു​ന​ർ​നി​ർ​മി​ക്ക​ണ​മെ​ന്ന ഇ. ​ശ്രീ​ധ​ര​ന്‍റെ അ​ഭി​പ്രാ​യ​ത്തോ​ട്, ശ്രീ​ധ​ര​ൻ പ​ല​തും പ​റ​യും, അ​തൊ​ന്നും ന​ട​ക്കു​ന്ന കാ​ര്യ​മ​ല്ലെ​ന്നാ​യി​രു​ന്നു ഇ​ബ്രാ​ഹിം​കു​ഞ്ഞി​ന്‍റെ മ​റു​പ​ടി. ഉ​മ്മ​ൻ ചാ​ണ്ടി മു​ഖ്യ​മ​ന്ത്രി​യാ​യി​രി​ക്കെ നി​ർ​മി​ച്ച പാ​ലാ​രി​വ​ട്ടം മേ​ൽ​പ്പാ​ല​ത്തി​ൽ ക്ര​മ​ക്കേ​ട് ന​ട​ന്ന​താ​യി വിജിലൻസ് അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​രു​ന്നു.