ലളിതകലാ അക്കാദമി സ്വതന്ത്രസ്ഥാപനമാണെന്നും ഒരു മന്ത്രിക്കും അക്കാദമിയുടെ പ്രവര്ത്തനങ്ങളില് ഇടപെടാന് അധികാരമില്ലെന്നും സംസ്ഥാന സെക്രട്ടറി കാനം
കാര്ട്ടൂണ് വിവാദത്തില് സാംസ്ക്കാരിക മന്ത്രി എ.കെ ബാലനെതിരെ സി.പി.ഐ. ലളിതകലാ അക്കാദമി സ്വതന്ത്രസ്ഥാപനമാണെന്നും ഒരു മന്ത്രിക്കും അക്കാദമിയുടെ പ്രവര്ത്തനങ്ങളില് ഇടപെടാന് അധികാരമില്ലെന്നും സംസ്ഥാന സെക്രട്ടറി കാനം തുറന്നടിച്ചു. സിനിമാ അവാര്ഡ് പ്രഖ്യാപിച്ച ശേഷം മന്ത്രി ബാലന് പിന്വലിക്കുമോ എന്നും കാനം പരിഹസിച്ചു. ലളിതകലാ അക്കാദമി പ്രഖ്യാപിച്ച സംസ്ഥാന കാര്ട്ടൂണ് അവാര്ഡ് കിട്ടിയ കാര്ട്ടൂണ് മതചിഹ്നങ്ങളെ അവഹേളിക്കുന്നതാണെന്ന് കാട്ടി കെ.സി.ബി.സി രംഗത്തെത്തിയതോടെയാണ് അവാര്ഡ് പുനര്നിര്ണയിക്കുന്ന കാര്യം പരിശോധിക്കുമെന്ന് സാംസ്ക്കാരിക മന്ത്രി എ.കെ ബാലന് വ്യക്തമാക്കിയത്. ഇക്കാര്യം മാധ്യമങ്ങള് ശ്രദ്ധയില്പ്പെടുത്തിയപ്പോഴായിരുന്നു കാനത്തിന്റെ പരിഹാസം. മന്ത്രി എ.കെ ബാലന്റെ നിലപാടിനെ പിന്തുണച്ച് മുഖ്യമന്ത്രിയും പ്രതിപക്ഷനേതാവും എത്തിയതിന് പിന്നാലെയാണ് കാനം വിമര്ശനവുമായി രംഗത്തെത്തിയത്.
കെ കെ സുഭാഷിന്റെ വിശ്വാസം രക്ഷതി എന്ന കാര്ട്ടൂണിനാണ് പുരസ്ക്കാരം ലഭിച്ചത്. ബിഷപ്പ് ഫ്രാങ്കോയ്ക്ക് പൂവന് കോഴിയുടെ മുഖം, കോഴിയുടെ നില്പ്പ് പൊലീസിന്റെ തൊപ്പിക്ക് മുകളിലും തൊപ്പി പിടിക്കുന്നത് പിസി ജോര്ജ്ജുമാണ്. കാര്ട്ടൂണില് പ്രധാനമായും കാണുന്നത്. പീഡന കേസില് പ്രതിചേര്ക്കപ്പെട്ട ബിഷപ്പ് ഫ്രാങ്കോയുടെ കയ്യിലെ അംശവടിയില് സ്ത്രികളുടെ അടിവസ്ത്രത്തിന്റെ ചിത്രം ചേര്ത്തിട്ടുണ്ട്. അത് വിവാദമായത്. കാര്ട്ടൂണില് ഷൊര്ണ്ണൂര് എംഎല്എ പികെ ശശിയുടെ തലയില് പൂവന്കോഴിയുടെ തൊപ്പിവെച്ചിട്ടുണ്ട്. കേരള ശബ്ദത്തിന്റെ സഹ പ്രസിദ്ധീകരണമായ ഹാസ്യകൈരളിയിലാണ് കാര്ട്ടൂണ് പ്രസിദ്ധീകരിച്ചിരുന്നത്. ഇതിനെതിരെ കെ.സി.ബി.സി രംഗത്തെത്തിയതോടെയാണ് പിണറായി സര്ക്കാര് ഭയന്നത്. തെരഞ്ഞെടുപ്പില് ന്യുനപക്ഷങ്ങള് എല്.ഡി.എഫിന് വോ്ട്ട് ചെയ്യാത്തതിന് പിന്നാലെ ഇത്തരമൊരു വിവാദം വന്നപ്പോഴേ സര്ക്കാര് ഭയന്നു.
ക്രിസ്തീയ മതപ്രതീകങ്ങളെ അവഹേളിക്കുക എന്ന ലക്ഷ്യത്തോടെ കേരള ലളിതകലാ അക്കാദമി പുരസ്കാരത്തിനായി തിരഞ്ഞെടുത്തിരിക്കുന്ന കാര്ട്ടൂണ് അങ്ങേയറ്റം പ്രകോപനപരവും പ്രതിക്ഷേധാര്ഹവുമാണെന്ന് കെ.സി.ബി.സി വക്താവ് ഫാ. വര്ഗീസ് വള്ളിക്കാട്ട് ആരോപിച്ചു. ക്രിസ്ത്യന് ന്യൂനപക്ഷം ഇലക്ഷനില് ഒപ്പം നിന്നില്ല എന്ന മാര്ക്സിസ്റ്റു പാര്ട്ടിയുടെ വിലയിരുത്തലാണോ കാര്ട്ടൂണ് പുരസ്കാര പ്രഖ്യാപനത്തിന്റെ പിന്നിലുള്ള പ്രചോദനം എന്നു സംശയിക്കുന്നു. പുരസ്കാരം പിന്വലിച്ചു, ജനങ്ങളുടെ നികുതിപ്പണം ദുരുപയോഗിച്ചതിനു പൊതുസമൂഹത്തോടും, മത പ്രതീകത്തെ അപമാനിച്ചതിന് ക്രിസ്തീയ സമൂഹത്തോടും മാപ്പുപറയാന് കേരള ലളിതകലാ അക്കാദമി ഭാരവാഹികള് തയ്യാറാകണം. ഇതാണോ ഇടതു സര്ക്കാരിന്റെ ന്യൂനപക്ഷ സംരക്ഷണവും മതേതരത്വവും എന്നു സാംസ്കാരിക വകുപ്പ് മന്ത്രി വ്യക്തമാക്കണമെന്നും ഫാ. വര്ഗീസ് വള്ളിക്കാട്ട് ആവശ്യപ്പെട്ടു.
ഇതേ തുടര്ന്ന് ഒരു പ്രത്യേക മതപ്രതീകങ്ങളെ അവഹേളിക്കുന്ന രീതിയിലും പ്രകോപനപരമായാണ് കാര്ട്ടൂണ് വരച്ചതെന്ന ആക്ഷേപം ശ്രദ്ധില്പ്പെട്ടെന്നും ഇക്കാര്യം പരിശോധിച്ചെന്നും അതിനാല് പുരസ്ക്കാര നിര്ണയം പുനപ്പരിശോധിക്കണമെന്നും മന്ത്രി എ.കെ ബാലന് ആവശ്യപ്പെട്ടു. ഇത്തരം പ്രമേയത്തെ അധികരിച്ച് ഒരു രചന നിര്വ്വഹിക്കുന്നതിനുള്ള ആവിഷ്കാര സ്വാതന്ത്ര്യത്തില് സര്ക്കാര് ഇടപെടുന്നില്ല. പക്ഷെ, ക്രിസ്തീയ മതാചാര പ്രകാരമുള്ള ചില മതചിഹ്നങ്ങളെ അധിക്ഷേപകരമായി ചിത്രീകരിക്കുന്ന ചില ഭാഗങ്ങള് കൂടി പ്രസ്തുത കാര്ട്ടൂണില് ഉള്ളതായി കാണുന്നുണ്ട്. ഇതിനോട് സര്ക്കാര് യോജിക്കുന്നില്ല. വ്യത്യസ്ത മത വിഭാഗങ്ങളില് വിശ്വസിക്കുന്നവര് ഒത്തൊരുമയോട് കൂടി സമാധാനപരമായി ജീവിച്ചുപോരുന്ന ഒരു സംസ്ഥാനമാണ് നമ്മുടേത്. ഒരു മതത്തിന്റെയും വിശ്വാസങ്ങളെ ഹനിക്കുകയോ അപകീര്ത്തിപ്പെടുത്തുകയോ ചെയ്യുന്ന പ്രവര്ത്തനങ്ങളുമായി മുന്നോട്ട് പോകാന് സര്ക്കാര് ഉദ്ദേശിക്കുന്നില്ല. അത്തരം നീക്കങ്ങള് ഏത് ഭാഗത്തുനിന്നുണ്ടായാലും അതിനോട് സര്ക്കാര് യോജിക്കുന്നുമില്ലെന്നും മന്ത്രി വ്യക്തമാക്കിയിരുന്നു. ഇതിനെതിരെ കേരള കാര്ട്ടൂണ് അക്കാദമിയും പൊതുസമൂഹവും രംഗത്തെത്തിയിരുന്നു.
https://www.facebook.com/Malayalivartha
